Psalmyn 60:3 - Yn Vible Casherick 1775 1819

³ T’ou er yeeaghyn da dty phobble reddyn trimshagh: t’ou er choyrt dooin jough feeyney baasoil.

Lioar ny Psalmyn 1765 (Pointed)

³ T’ow er yeeaghyn da dty phobble reddyn trimshagh: t’ow er choyrt dooin jough feeyn baasoil.

Psalmyn 60:3 ပူးပေါင်းရင်းမြစ်များ

Nehemiah 9:32

Nish, er-y-fa shen, nyn Yee, yn Jee mooar, niartal as atchimagh, ta freayll conaant as myghin; ny jean uss beg y hoiaghey jeh ooilley ny seaghyn shoh t’er jeet orrin hene, er ny reeaghyn, ny princeyn, ny saggyrtyn, as ny phadeyryn, as ny ayraghyn ain, as er ooilley dty phobble, veih laghyn reeaghyn Assyria, gys y laa shoh.

Psalmyn 71:20

Shen-y-fa nee’m uss as dt’irriney y voylley, O Yee, cloie er greïe dy vingys: hood’s goym arrane er y chlaasagh, O uss er-casherick dy Israel.

Psalmyn 75:8

As cre’n-oyr? she Jee yn briw: t’eh cur sheese fer, as soiaghey seose fer elley.

Psalmyn 80:4

O Hiarn Yee dy heshaght-chaggee flaunys: caïd vees oo corree rish dty phobble ta goaill padjer?

Psalmyn 80:8

T’ou er choyrt lhiat billey-feeyney magh ass Egypt: t’ou er n’eiyrt magh ny ashoonyn-quaagh, as er hoiaghey eh.

Psalmyn 85:5

Bee oo jymmoosagh rooin son dy bragh: as jean oo dty chorree y heeyney magh veih un sheeloghe gys sheeloghe elley?

Psalmyn 89:39

T’ou er lhieggal ooilley e voallaghyn: as er vrishey sheese ny tooryn lajer echey.

Isaiah 51:17

Dooisht, dooisht, shass seose, O Yerusalem, t’er n’iu veih laue yn Chiarn cappan e eulys: t’ou uss er n’iu drundin y chappan atchimagh, as er hraastey ad.

Isaiah 51:22

Shoh myr ta dty Hiarn, yn Chiarn, as dty Yee ta pleadeil cooish e phobble, dy ghra, Cur-my-ner, ta mee er n’ghoaill ass dty laue yn cappan atchimagh, eer drundin cappan my eulys; cha n’iu oo jeh arragh:

Jeremiah 25:15

Son myr shoh ta’n Chiarn, Jee Israel, dy ghra rhym, Gow veih my laue cappan-feeyney yn eulys shoh, as lhig da ooilley ny ashoonyn hucsyn ta mee dy choyrt oo giu jeh.

Dobberan 4:21

Gow boggey, as bee gennal, O inneen Edom, ta cummal ayns cheer Uz; nee yn cappan myrgeddin goll harrish hood: bee uss er-meshtey, as er dty roostey.

Daniel 9:12

As t’eh er chooilleeney e ghoan, loayr eh nyn ’oï, as noi ny briwnyn va dy vriwnys shin, liorish coyrt lesh orrin kerraghey trome: son fo ooilley niau cha row rieau y lheid as ta er ny ve jeant er Jerusalem.

Habakkuk 2:16

T’ou er dty lhieeney lesh nearey son gloyr: iu uss myrgeddin, as lhig da dty nearey ve rooisht: bee cappan laue yesh y Chiarn er ny hyndaa hood’s, as bee tilgey naareydagh er dty ghloyr.

Ashlish 16:19

As va’n ard-valley mooar scart ayns three ayrnyn, as va ard-valjyn ny Hashoonee er nyn lhieggal: as haink ard-valley mooar Vabylon ayns cooinaghtyn fenish Yee, dy choyrt jee yn cappan feeyney jeh dewilys e yymmoose.

Ashlish 18:16

As gra, Treih, treih, yn ard-valley mooar shen, va coamrit ayns aanrit keyl, as purple, as scarleod, as soit magh dy stoamey lesh airh, as claghyn costal, as pearlyn!