Psalmyn 60:2 - Yn Vible Casherick 1775 1819

² T’ou er ghleashaght y cheer, as er scarrey eh: slaanee ny chingyn echey, son te craa.

Lioar ny Psalmyn 1765 (Pointed)

² T’ow er ghleashaght y cheer, as er scarrey eh: slaanee ny chingyn echey, son te craa.

Psalmyn 60:2 ပူးပေါင်းရင်းမြစ်များ

2 Samuel 22:8

Eisht va’n thalloo er ny ghleashagh, as ren eh craa; ren undinyn niau scughey, as v’ad er-creau, ec e yymmoose.

2 Samuel 8:1

As lurg shoh haink eh gy-kione, dy woaill David ny Philistinee, as hug eh ad fo-chosh: as ghow David Metheg-ammah ass laue ny Philistinee.

1 Recortyssyn 18:12

As ren Abishai mac Zeruiah stroie jeh ny Edomiteyn ayns coan y tollan hoght thousane jeig.

1 Recortyssyn 18:3

As woaill David Hadarezer ree Zobah, ec Hamath, myr hie eh dy yannoo mie e reeriaght liorish awin Euphrates.

1 Recortyssyn 18:5

As tra haink Syrianee Ghamascus dy chooney lesh Hadarezer, ree Zobah, varr David jeh ny Syrianee daa housane as feed dy gheiney.

2 Recortyssyn 7:14

My nee my phobble ta enmyssit orrym, ad-hene y injillaghey, as padjer y yannoo, as shirrey my eddin, as chyndaa veih nyn ghrogh raaidyn: eisht ver-ym clashtyn veih niau, as neem’s yn peccah oc y leih, as slaanee-ym yn cheer.

Lioar Yob 5:18

Son t’eh jannoo ching, as t’eh coyrt couyr; t’eh bwoalley, as ta ny laueyn echey slaanaghey.

Lioar Yob 9:6

Ta craa yn thalloo ass e ynnyd, as ta ny undinyn eck er-creau;

Psalmyn 104:32

Bee yn thalloo er-creau ec e hilley: my nee eh agh bentyn rish ny sleityn, bee ad ayns jaagh.

Psalmyn 114:7

Bee er-creau, uss halloo, ec fenish y Chiarn: ec fenish Jee Yacob;

Psalmyn 18:7

Va’n thalloo er ny ghleashagh, as ren eh craa: va eer undinyn ny sleityn neesht er-creau, as v’ad er ny scughey, ec e yymmoose.

Psalmyn 89:40

T’adsyn ooilley ta goll shaghey dy spooilley eh: as t’eh er jeet dy ve ny oltooan da e naboonyn.

Exodus 15:11

Quoi ta casley rhyt’s, O Hiarn, mastey ny jeeghyn! quoi ta casley rhyt, gloyroil ayns casherickys, ta moylley cair dhyt lesh arrym, uss ta gobbraghey mirrilyn?

Isaiah 30:26

Myrgeddin, bee soilshey yn eayst myr soilshey yn ghrian, as bee soilshey yn ghrian shiaght-filley, myr soilshey shiaght laa, ’sy laa ta’n Chiarn soïlley seose assee e phobble, as lheihys guinn nyn lhottyn.

Isaiah 5:25

Shen-y-fa ta corree yn Chiarn er ny oaddey noi e phobble, as t’eh er heeyney magh e laue nyn ’oï, as er woalley ad: myr shen dy row ny croink er-creau, as va ny kirp marroo oc er ny raipey ayns mean ny straïdyn. Son ooilley shoh cha vel e chorree er ny hyndaa ersooyl, agh ta e laue foast er ny heeyney magh.

Isaiah 7:8

Son ta Damascus kione Syria, as Rezin kione Ghamascus; as cheu-sthie jeh three-feed bleïn as queig bee Ephraim naardey, nagh bee eh ny phobble.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Jeremiah 14:17

Shen-y-fa jir oo ny goan shoh roo, Lhig da my hooillyn’s roie sheese lesh jeïr oie as laa, as ny lhig fea ’ve orroo: son ta brishey trome er jeet er y voidyn inneen my phobble, eer builley baaish.

Jeremiah 30:17

Son neem’s uss y choural reesht, as bee dty lhottyn er ny lheihys, ta’n Chiarn dy ghra; son ren ad dty oltooan myr eebyrtagh, gra, Shoh Zion, nagh vel dooinney erbee dy yeearree.

Jeremiah 4:24

Yeeagh mee er ny sleityn, as cur-my-ner, v’ad er-creau, as ren ooilley ny croink craa dy corragh.

Jeremiah 48:38

Bee trimshey cadjin ayns ard-shamyr dy chooilley hie ayns Moab, as ayns ny straïdyn: son ta mee er vrishey Moab myr saagh gyn-ymmyd, ta’n Chiarn dy ghra.

Dobberan 2:13

Quoi nee’m y ghoaill son feanish ort? cre gys nee’m dty hoylaghey, O inneen Yerusalem? cre nee’m y chormal rhyt, dy voddym dty gherjaghey, O voidyn inneen Zion? son ta dty vrishey mooar myr yn aarkey; quoi oddys dty lheihys?

Ezekiel 34:16

Nee’m shirrey son shen va caillit, as ver-ym lhiam reesht shen v’er-shaghryn, as soïll-ym seose shen va brisht, as niartee-ym shen va doghanit: agh stroie-ym ny mooaralee, as y lajer, as lesh briwnys jeeagh-yms nyn yeï.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.

Amos 8:8

Nagh bee yn thalloo er-creau son shoh? as dy chooilley unnane dobberan ta cummal ayn? as nee eh gatt seose dy slane myr thooilley; as bee eh lhieent harrish, as er ny vaih myr liorish awin Egypt.

Habakkuk 3:10

Honnick ny sleityn oo, as v’ad er-creau; ren ny thooillaghyn ushtey lhieeney harrish: ren y diunid freaney lesh e choraa, as gatt seose dy ard er dagh cheu.

Noo Mian 27:51

As cur-my-ner, va’n coodaghey va eddyr y chiamble as yn ynnyd casherick raipit veih-my-cheilley, veih’n vullagh gys y laare; as ren y thalloo craa, as ny creggyn scoltey.