Psalmyn 60:12 - Yn Vible Casherick 1775 1819

¹² Trooid Jee nee mayd obbraghyn mooarey: son she eshyn stampys sheese nyn noidyn.

Lioar ny Psalmyn 1765 (Pointed)

¹² Trooid Jee nee mayd obbraghyn mooarey: son she eshyn stampys sheese nyn noidyn.

Psalmyn 60:12 ပူးပေါင်းရင်းမြစ်များ

2 Samuel 10:12

Bee jeh cree mie, as lhig dooin caggey myr deiney son y pobble ain, as son ard-valjyn y Jee ain: as aigney-mie’n Chiarn dy row jeant.

1 Recortyssyn 19:13

Bee jeh cree mie, as lhig dooin caggey myr deiney dunnal, son y pobble ain, as son ard-valjyn nyn Yee: as lhig da’n Chiarn jannoo shen ny ta mie ayns e hilley.

Psalmyn 118:16

Ta laue yesh y Chiarn erskyn ooilley: ta laue yesh y Chiarn cur lesh reddyn yindyssagh mygeayrt.

Psalmyn 144:1

Bannit dy row yn Chiarn my niart: ta gynsaghey my laueyn dy chaggey, as my veïr dy ghleck;

Psalmyn 44:10

Agh nish t’ou foddey jeh, as coyrt shin gys nearey: as cha vel oo goll magh marish nyn sheshaghtyn-caggee.

Psalmyn 44:5

Uss my ree, O Yee: cur cooney gys Jacob.

Isaiah 10:6

Neem’s eh y choyrt noi ashoon kialgeyragh, as noi pobble my yymmoose ver-ym sarey da dy ghoaill yn spooilley, as dy ghoaill y chragh, as dy stampey ad sheese goll-rish laagh ny straïdyn.

Isaiah 63:3

Ta mee er stampey yn press-feeyney ny-lomarcan; as jeh’n pobble cha row fer jeu mârym: son nee’m stampey ad sheese ayns my chorree, as ver-ym ad fo-chosh ayns my eulys; as bee’n uill oc spreiht er my gharmadyn, as nee’m ooilley my choamrey y ghaahghey.

Zechariah 10:5

As bee ad myr deiney niartal, ta stampey sheese nyn noidyn ’sy chaggey myr laagh ny straïdyn, as nee ad caggey, son dy vel y Chiarn ass nyn lieh, as bee ny markee er cabbil nyn haart.

Malachi 4:3

As ver shiu fo-chosh ny mee-chrauee; as bee ad myr joan fo nyn moynyn, ayns y laa neem’s shoh, ta Chiarn ny flaunyssee dy ghra.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 14:12

Nish er-y-fa shen, cur dou yn cheer sleitagh shoh, my-e-chione loayr y Chiarn ’sy laa cheddin; (son cheayll oo ayns y laa shen dy row cloan Anak ayns shen, as dy row ny ard-valjyn mooar as fencit:) my she shen dy bee’n Chiarn lhiam, bee’m eisht abyl dy eiyrt magh ad, myr yiall y Chiarn.

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press-feeyney jeh dewilys as jymmoose Yee ooilley-niartal.