Psalmyn 6:2 - Yn Vible Casherick 1775 1819

² Jean myghin orrym, O Hiarn, son ta mee annoon: O Hiarn, slaanee mee, son ta my chraueyn seaghnit.

Lioar ny Psalmyn 1765 (Pointed)

² Jean myghin orrym, O Hiarn, son ta mee annoon: O Hiarn, slaanee mee, son ta my chraueyn seaghnit.

Psalmyn 6:2 ပူးပေါင်းရင်းမြစ်များ

Genesis 20:17

Er shoh ghow Abraham padjer gys Jee: as ren Jee lheihys Abimelech, as e ven, as e harvaantyn, as ruggyr ad cloan.

Lioar Yob 19:21

Gow-jee chymmey jee’m, gow-jee chymmey jee’m, O shiuish my chaarjyn; son ta laue Yee er ventyn rhym.

Lioar Yob 5:18

Son t’eh jannoo ching, as t’eh coyrt couyr; t’eh bwoalley, as ta ny laueyn echey slaanaghey.

Psalmyn 22:14

Ta mee deayrtit magh myr ushtey, as ta ooilley my chraueyn ass ynnyd: ta my chree neesht ayns mean my chorp eer myr kere ta lheïe.

Psalmyn 30:2

O Hiarn my Yee, deïe mee hood: as t’ou er my lheihys.

Psalmyn 31:10

Jean myghin orrym, O Hiarn, son ta mee ayns seaghyn: as ta my hoilshey er n’aase moal lesh eer trimshey; dy jarroo my annym as my challin.

Psalmyn 32:3

Son choud as chum mee my hengey: ren my chraueyn shymley ersooyl trooid my accan gagh-laa.

Psalmyn 38:2

Son ta dty hideyn soit dy shickyr aynym: as ta dty laue lhie orrym dy trome.

Psalmyn 38:3

Cha vel veg y slaynt ayns m’eill kyndagh rish dty yymmoose: chamoo ta fea erbee ayns my chraueyn, kyndagh rish my pheccah.

Psalmyn 38:7

Son ta my veeghyn lhieent lesh doghan trome: as cha vel ayrn erbee slane ayns my chorp.

Psalmyn 51:8

Ver oo orrym clashtyn jeh boggey as gennallys: dy vod ny craueyn t’ou er vrishey boggey ’ghoaill.

Exodus 15:26

As dooyrt eh, My nee oo geaishtagh dy tastagh rish coraa yn Chiarn dty Yee, as jannoo shen ny ta kiart ayns e hilley, as my ver oo geill da ny saraghyn echey, dy reaylley ooilley e lattyssyn; cha der-ym veg jeh ny doghanyn shen ort’s hug mee er ny Egyptianee: son mish y Chiarn ta cur dhyt dty lhaynt.

Jeremiah 10:24

O Hiarn, smaghtee mee, agh lesh foayr; cha nee ayns dty chorree, nagh der oo mee naardey.

Jeremiah 17:14

Jean mish y lheihys, O Hiarn, as bee’m er my lheihys; saue mee, as bee’m er my hauail: son she uss my voylley.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.

Earrooyn 12:13

As ghow Moses padjer gys y Chiarn, gra, Jean ee y lheihys nish, O Yee, ta mee guee ort.

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh-spyrrydyn, sleih ass nyn geeayl, as an-lheiltee, as ren eh ad y lheihys.

Deuteronomy 32:39

Jeeagh-jee nish, dy nee mish, eer mish ny-lomarcan eh, as cha vel ayn jee erbee mârym: mish ta coyrt baase, as bioys; mish ta coyrt chingys, as slaynt: chamoo ta fer erbee oddys livrey ass my laue.