Psalmyn 6:1 - Yn Vible Casherick 1775 1819

¹ O Hiarn, ny cur oghsan dooys ayns dty chorree: chamoo smaghtee mee ayns dty yymmoose.

Lioar ny Psalmyn 1765 (Pointed)

¹ O Hiarn, ny cur oghsan dooys ayns dty chorree: cha-moo smaghtee mee ayns dty yymmoose.

Psalmyn 6:1 ပူးပေါင်းရင်းမြစ်များ

1 Recortyssyn 15:20

As Zechariah, as Aziel, as Shemiramoth, as Jehiel, as Unni, as Eliab, as Maaseiah, as Benaiah, lesh psaltereeyn er Alamoth.

1 Recortyssyn 15:21

As Mattithiah, as Elipheleh, as Mikneiah, as Obed-edom, as Jeiel, as Ahaziah, lesh claasaghyn er y Sheminith.

Psalmyn 118:18

Ta’n Chiarn er my smaghtaghey as er my cherraghey: agh cha vel eh er my livrey harrish gys baase.

Psalmyn 12:1

Cooin lhiam, Hiarn, son cha vel un dooinney crauee faagit: son cha vel y vooinjer ynrick agh goan mastey cloan gheiney.

Psalmyn 2:5

Eisht nee eh loayrt roo ayns e chorree: as ver eh sneih orroo ayns trimmid e yymmoose.

Psalmyn 38:1

Ny cur oghsan dooys, O Hiarn, ayns dty chorree: chamoo jean m’y smaghtaghey ayns dty yymmoose hrome.

Psalmyn 4:1

Clasht rhym tra ta mee geamagh, O Yee my chairys: t’ou er choyrt feaysley dooys tra va mee ayns seaghyn; jean myghin orrym, as eaisht rish my phadjer.

Isaiah 54:9

Son ta shoh dooys myr va thooilley Noah: son myr ta mee er vreearrey nagh ragh thooilley Noah ny smoo harrish yn seihll; myrgeddin ta mee er vreearrey nagh beign jymmoosagh dt’oï, ny cur oghsan dhyt.

Isaiah 57:16

Son cha beem’s dy kinjagh streeu, chamoo vee’m dy kinjagh corree: son yinnagh yn spyrryd failleil kiongoyrt rhym, as ny anmeenyn ta mee er chroo.

Jeremiah 10:24

O Hiarn, smaghtee mee, agh lesh foayr; cha nee ayns dty chorree, nagh der oo mee naardey.

Jeremiah 46:28

Ny gow aggle, O Yacob my harvaant, ta’n Chiarn dy ghra; son ta mee mayrt: as nee’m slane jerrey er ooilley ny ashoonyn raad ta mee er n’eiyrt oo; as cha jean-yms slane jerrey jeed’s; agh smaght-yms oo ayns myghin; ga nagh vaag-ym oo ooilley-cooidjagh gyn kerraghey.