Psalmyn 59:5 - Yn Vible Casherick 1775 1819

⁵ Shass seose, O Hiarn Yee dy heshaght-chaggee flaunys, uss Yee Israel, dy ghoaill kerraghey er ooilley ny ashoonyn: as ny bee myghinagh dauesyn ta ass olkys goanlyssagh jannoo aggair.

Lioar ny Psalmyn 1765 (Pointed)

⁵ Shass seose, O Hiarn Yee dy heshaght-chaggee flaunys, uss Yee Israel, dy ghoaill kerraghey er ooilley ny ashoonyn: as ny bee myghinagh dauesyn ta ass olkys goanlyssagh jannoo aggair.

Psalmyn 59:5 ပူးပေါင်းရင်းမြစ်များ

Genesis 33:20

As hrog eh altar ayns shen, as denmys eh eh El-elohe-israel.

Psalmyn 54:3

Son ta joarreeyn er n’irree seose m’oï: as ta tranlaasee nagh vel Jee oc roish nyn sooillyn shirrey lurg my vioys.

Psalmyn 55:15

Ghow shin coyrle villish cooidjagh, as ren shin shooyl gys thie Yee myr caarjyn.

Psalmyn 7:7

As myr shen hig chaglym y phobble mygeayrt-y-mood: er y ghraih ocsyn eisht trog seose oo hene reesht.

Psalmyn 80:4

O Hiarn Yee dy heshaght-chaggee flaunys: caïd vees oo corree rish dty phobble ta goaill padjer?

Psalmyn 84:8

O Hiarn Yee dy heshaght flaunys, clasht rish my phadjer: eaisht, O Yee Yacob.

Psalmyn 9:15

Ta ny ashoonyn er duittym sheese ayns yn ooig t’ad-hene er n’yannoo: ayns y ribbey cheddin dollee ad dy follit, ta’n chass oc hene er ny ghoaill.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Exodus 3:15

As dooyrt Jee ny sodjey rish Moses, Er yn aght shoh nee oo loayrt rish cloan Israel, Ta’n Chiarn Jee nyn ayraghyn, Jee Abraham, Jee Isaac, as Jee Yacob, er m’y choyrt hiuish: shoh my ennym’s son dy bragh, as shoh my imraa gys dy chooilley heeloghe.

Isaiah 1:10

Clasht-jee rish goo yn Chiarn, shiuish reiltee Sodom; eaisht-jee rish leigh yn Jee ain, shiuish phobble Ghomorrah:

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Jeremiah 18:23

Ny-yeih, Hiarn, t’ou uss toiggal ooilley’n choyrle oc m’oï’s dy my stroie: ny jean yn vee-chairys oc y leih daue, chamoo cur y peccah oc ersooyl ass dty enish, agh lhig daue tuittym kiongoyrt rhyt’s: dell myr shoh roo ayns laa dty yymmoose.

Daniel 6:7

Ta ooilley ard-reiltee y reeriaght, ny kiannoortyn, as ny princeyn, ny fir-choyrlee, as ny captanyn er choyrt nyn goyrle dy cheilley, dy hickyraghey slattys reeoil, as dy yannoo sarey fondagh, quoi-erbee hirragh aghin er Jee erbee ny dooinney, son jeih laa as feed, er-lhimmey jeed’s, O ree, dy bee eh er ny hilgey ayns ooig ny lionyn.

Amos 9:7

Nagh vel shiuish myr cloan ny Ethiopianee dooys, O chloan Israel? ta’n Chiarn dy ghra. Nagh nee mish hug lhiam seose Israel ass thalloo Egypt? as ny Philistinee veih Caphtor, as ny Syrianee veih Kir?

Romanee 9:6

Cha nee dy vod goo Yee ve gyn bree. Son cha nee Israeliteyn ad ooilley, ta jeh Israel.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.