Psalmyn 57:5 - Yn Vible Casherick 1775 1819

⁵ As ta mee my lhie dy jarroo mastey cloan gheiney, ta soit er aile: nyn veeacklyn t’ad shleiyghyn as sideyn, as nyn jengey ny chliwe gyere.

Lioar ny Psalmyn 1765 (Pointed)

⁵ As ta mee my lhie dy-jarroo mastey cloan gheiney, ta soit er aile: nyn veeacklyn t’ad shleïghyn as sideyn, as nyn jengey ny chliwe gyere.

Psalmyn 57:5 ပူးပေါင်းရင်းမြစ်များ

1 Recortyssyn 29:1

Eisht dooyrt David y ree rish ooilley’n cheshaght, Ta Solomon my vac, eh ynrycan ta Jee er reih, foast aeg as meiygh, as ta’n obbyr mooar: son cha vel y phlaase son dooinney, agh son y Chiarn Jee.

Psalmyn 148:13

Troggee eshyn seose dy ard niart e phobble; nee ooilley e nooghyn eshyn y voylley: dy feer cloan Israel, dy jarroo yn pobble ta dy hirveish eh.

Psalmyn 21:13

Bee uss, Hiarn, er dty hoiaghey seose ayns dty niart hene: myr shen nee mayd goaill arrane, as moylley ’choyrt da dty phooar.

Psalmyn 57:11

Son ta mooadys dty vyghin roshtyn gys ny niaughyn: as dt’irriney gys ny bodjallyn.

Psalmyn 59:8

Bee ad, O Hiarn, ayd’s ayns faghid: as nee oo garaghtee er ooilley ny ashoonyn-quaagh gys craid.

Psalmyn 64:4

Dy vod ad dy follit lhiggey ersyn ta firrinagh: t’ad dy woalley eh doaltattym, as cha vel aggle orroo.

Psalmyn 72:19

As bannit dy row ennym yn Ard-ooashley echey son dy bragh: as bee ooilley yn seihll er ny lhieeney lesh e Ard-ooashley. Amen, Amen.

Psalmyn 8:1

O Hiarn nyn Giannoort, cre cha ooasle ta dt’Ennym trooid ooilley’n theihll: uss ta er hoiaghey dty ghloyr erskyn ny niaughyn!

Raaghyn Creeney 12:18

Ta fer ayn, ta loayrt goll-rish gyerid y chliwe: agh ta slaynt ayns chengey yn dooinney creeney.

Raaghyn Creeney 30:14

Ta sheeloghe ayn, ta nyn veeacklyn myr cliwenyn, as nyn veeacklyn-keeill myr skynnyn, dy stroie ny boghtyn jeh’n thalloo, as ny ymmyrchee veih mastey deiney.

Isaiah 12:4

As ayns y laa shen nee shiu gra, Moylley-jee yn Chiarn, eïe-jee er e ennym, fockle-jee magh e yannoo mastey’n pobble, jean-jee gimraa er e ennym lesh ard-voylley,

Isaiah 2:11

Bee shilley mooaralagh dooinney er ny injillaghey, as bee moyrn deiney er ny chroymmey, as bee yn Chiarn ny-lomarcan er ny yrjaghey ’sy laa shen.

Isaiah 2:17

As bee moyrn dooinney er ny chroymmey, as bee mooaralys deiney currit sheese dy injil; as she yn Chiarn ynrycan syrjey vees ’sy laa cheddin.

Isaiah 37:20

Nish er-y-fa shen, O Hiarn nyn Yee, saue shin veih’n laue echey, dy vod ooilley reeriaghtyn ny hooirey toiggal dy nee uss y Chiarn, eer uss dty-lomarcan.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Habakkuk 2:14

Son bee yn thalloo er ny lhieeney lesh tushtey gloyr y Chiarn, myr ta ny ushtaghyn coodaghey diunid ny marrey.

Habakkuk 3:3

Haink Jee veih Teman, as yn er-casherick veih slieau Pharan. Selah. Ren y ghloyr echey coodaghey ny niaughyn, as va’n seihll lane jeh e voylley.

Earrooyn 14:21

Agh cha firrinagh as ta mish bio, bee ooilley’n seihll er ny lhieeney lesh gloyr y Chiarn.