Psalmyn 57:1 - Yn Vible Casherick 1775 1819

¹ Bee myghinagh dooys, O Yee, bee myghinagh dou, son ta m’annym treishteil aynyd: as fo scaa dty skianyn vees my chemmyrk derrey vees y tranlaase shoh er n’gholl shagh-ym.

Lioar ny Psalmyn 1765 (Pointed)

¹ Bee myghinagh dooys, O Yee, bee myghinagh dou, son ta m’annym treishteil ayn-yd: as fo scaa dty skainyn vees my chemmyrk derrey vees y tranlaase shoh er n’gholl shiagh-ym.

Psalmyn 57:1 ပူးပေါင်းရင်းမြစ်များ

Psalmyn 125:1

Bee adsyn ta coyrt nyn dreishteil ayns y Chiarn, dy jarroo myr cronk Sion: nagh vod v’er ny scughey, agh ta shassoo shickyr er son dy bragh.

Psalmyn 13:5

Agh ta my hreishteil ayns dty vyghin: as nee my chree boggey ’ghoaill ayns dty haualtys.

Psalmyn 142:1

Hrog mee seose my choraa gys y Chiarn: dy jarroo, gys y Chiarn ren mee my aghin.

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 36:7

Coadee uss, Hiarn, chammah dooinney as baagh; Cre cha ooasle ta dty vyghin, O Yee: as ver cloan gheiney nyn marrant fo scaa dty skianyn.

Psalmyn 56:1

Bee myghinagh dooys, O Yee, son ta dooinney shirrey dy my stroie: t’eh gagh laa caggey as dy my heaghney.

Psalmyn 58:1

Vel nyn aignaghyn soit er cairys, O shiuish phobble: as vel shiu briwnys shen ta cairagh, O shiuish cloan gheiney?

Psalmyn 59:1

Livrey mee veih my noidyn, O Yee: jean m’y endeil vouesyn ta girree-magh m’oï.

Psalmyn 61:4

Nee’m cummal ayns dty chabbane-agglish son dy bragh: as bee my hreishteil fo scaa dty skianyn.

Psalmyn 63:7

Nagh vel mee er chooinaghtyn ort’s ayns my lhiabbee: as er smooinaghtyn ort tra va mee doostey?

Psalmyn 75:1

Dhyt’s, O Yee, ta shin cur booise: dy jarroo dhyt’s ta shin cur booise.

Psalmyn 9:10

As adsyn shione daue dty Ennym, ver nyn dreishteil aynyd’s: son cha vel uss, Hiarn, rieau er hreigeil adsyn ta dy dty hirrey.

Psalmyn 91:1

Quoi-erbee ta cummal fo coadey yn Fer smoo ard: nee eh tannaghtyn fo scaa yn Ooilley-niartal.

Psalmyn 91:4

Nee eh uss y choadey fo e skianyn, as bee oo sauchey fo ny fedjagyn echey: e irrinys as e ynrickys vees dty eïlley as dt’endeil.

Psalmyn 91:9

Son t’ou uss, Hiarn, my yerkal: t’ou er hoiaghey yn thie ayd dy chemmyrk feer ard.

Isaiah 10:25

Son foast tammylt feer yiare, as nee my chorree as my yymmoose scuirr ayns y toyrt-mow oc.

Isaiah 26:20

Tar, my phobble, immee stiagh ayns dty hiamyryn, as jeigh mood dty ghorryssyn: follee oo hene myr dy beagh eh son shallid yiare, derrey vees yn jymmoose er n’gholl shaghey.

Isaiah 50:10

Quoi ny-vud eu ta goaill aggle roish y Chiarn, ta biallagh da coraa e harvaant, ta shooyl ’sy dorraghys, as fegooish soilshey? lhig da treishteil ayns ennym y Chiarn, as barrant y choyrt er e Yee.

Noo Mian 24:22

As mannagh beagh ny laghyn shen dy leah harrish, cha beagh dooinney bio er ny hauail: agh er graih yn chloan reiht, bee ny laghyn shen dy leah harrish.

Noo Luke 13:34

O Yerusalem, Yerusalem, ta cur dy baase ny phadeyryn, as dyn glaghey adsyn t’er nyn goyrt er chaghteraght hood: cre cha mennick as va mish aggindagh v’er haglym dty chloan cooidjagh, myr ta kiark clussaghey e aalagh fo my skianyn, agh cha bailliu shen!

Noo Ean 16:20

Dy firrinagh firrinagh ta mee gra riu, Dy jean shiuish keayney as dobberan, agh nee yn seihll boggey y ghoaill: as bee shiuish trimshagh, agh bee yn trimshey eu er ny hyndaa gys boggey.

Deuteronomy 9:26

Ghuee mee, er-y-fa shen, gys y Chiarn, as dooyrt mee, O Hiarn Yee, ny jean dty phobble y stroie, as dty eiraght, t’ou er livrey trooid dty phooar, ad hug oo lhiat magh ass Egypt, lesh laue niartal:

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.

Ruth 2:12

Dy jean y Chiarn dty chooilleeney son dty obbyr, as dy bee slane leagh er ny choyrt dhyt veih’n Chiarn Jee Israel, fo ny skianyn echey t’ou coyrt dty varrant.

1 Samuel 22:1

Jimmee David er-y-fa shen roish veih shen, as chossyn eh gys yn ooig Adullam: as tra cheayll e vraaraghyn, as lught-thie e ayrey shoh, hie ad sheese huggey.

1 Samuel 24:3

As myr v’eh goll, haink eh gys bwoailtchyn ny geyrragh, raad va ooig; as hie Saul stiagh dy ghoaill snap dy chadley: as va David as e gheiney cheu-sthie ec kione sodjey stiagh yn ooig.

1 Samuel 24:4

As dooyrt deiney Ghavid rish, Jeeagh, nish y laa my-e-chione loayr y Chiarn rhyt, Cur-my-ner, nee’m dty noid y livrey gys dty laue, dy yannoo rish myr sailt. Eisht hayrn David er-gerrey, as yiare eh jeh skyrt coamrey Saul gyn-yss da.

1 Samuel 24:8

Lurg shen hrog David er myrgeddin, as hie eh magh ass yn ooig, as dyllee eh lurg Saul, gra, My hiarn yn ree. As tra yeeagh Saul ny yeï, chroym David lesh e eddin gys y thalloo, as hug eh ooashley da.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?