Psalmyn 56:5 - Yn Vible Casherick 1775 1819

⁵ T’ad gagh laa goaill my ghoan marran: ooilley ny t’ad smooinaghtyn er te dy yannoo olk dou.

Lioar ny Psalmyn 1765 (Pointed)

⁵ T’ad gagh-laa goaill my ghoan marran: ooilley ny t’ad smooinaghtyn er te dy yannoo olk dou.

Psalmyn 56:5 ပူးပေါင်းရင်းမြစ်များ

1 Reeaghyn 18:2

As hie Elijah dy yeeaghyn eh-hene da Ahab. As va genney trome ayns Samaria.

Psalmyn 118:6

Ta’n Chiarn er my lieh’s: cha bee aggle orrym jeh ny oddys dooinney y yannoo rhym.

Psalmyn 41:7

Ta ooilley my noidyn sansheraght cooidjagh m’oï: dy jarroo m’oï t’ad smooinaghtyn er yn olk shoh.

Psalmyn 49:6

Ta paart ta cur nyn marrant gys nyn gooid: as boggyssagh ayns earroo nyn merchys.

Jeremiah 18:18

Eisht dooyrt ad, Tar-jee, as lhig dooin kialgyn croutagh y ghoaill noi Jeremiah; son cha vaillee yn leigh veih’n taggyrt, ny coyrle veih’n er-creeney, ny’n goo veih’n adeyr: tar-jee, as lhig dooin eh y woalley lesh y chengey, as gyn geill y choyrt da veg jeh e ghoan.

Noo Mian 22:15

Eisht hie ny Phariseeyn, as hug ad nyn goyrle dy cheilley, kys dy ghoaill vondeish er ayns e ghoan.

Noo Mian 26:61

As dooyrt ad, T’eh shoh er ghra, Ta’n phooar aym’s dy lhieggal chiamble Yee, as dy hroggal eh reesht ayns three laa.

Noo Luke 11:54

Lhie ayns farkiaght er e hon, as shêgin er tayrtyn red ennagh ass e veeal son oyr plaiynt n’oï.

Noo Ean 2:19

Dreggyr Yeesey as dooyrt eh roo, Lhieg-jee yn chiamble shoh, as trog-yms eh reesht ayns three laa.

2 Peddyr 3:16

Myr t’eh myrgeddin ayns ooilley ny screeunyn echey, loayrt ayndoo jeh ny reddyn shoh: nyn mast’ oc ta paart jeu doillee dy ve er nyn doiggal, t’adsyn ta mee-hushtagh as lhag-chredjuagh cassey, myr t’ad myrgeddin ny scriptyryn elley, gys y toyrt-mow oc hene.

1 Samuel 18:17

As dooyrt Saul rish David, Cur-my-ner, my inneen shinney Merab, ish ver-ym dhyt son ben; ynrycan bee uss dunnal er my hon, as jean caggey ayns lieh’n Chiarn: son dooyrt Saul, Ny lhig da my laue’s ve er, agh lhig da tuittym liorish laueyn ny Philistinee.

1 Samuel 18:21

As dooyrt Saul, Ver-yms ee da dy ve son ribbeh da, as dy vod laue ny Philistinee ve n’oï. Shen-y-fa dooyrt Saul rish David, Bee uss jiu my vac-’sy-leigh lesh unnane jeh’n jees.

1 Samuel 18:29

As son shoh va Saul foast ayns aggle smoo roish David; as haink Saul dy ve noid David dy kinjagh.

1 Samuel 20:33

As hilg Saul shleiy er dy varroo eh: liorish shoh va fys ec Jonathan dy row e ayr kiarit dy stroie David.

1 Samuel 20:7

My jir eh, Te mie dy liooar; ta shee cour dty harvaant: agh my t’eh feer chorree, eisht foddee oo ve shickyr dy vel olk kiarit m’oï.