Psalmyn 53:3 - Yn Vible Casherick 1775 1819

³ Yeeagh Jee neose veih niau er cloan gheiney: dy akin row veg jeu yinnagh toiggal, as shirrey lurg Jee.

Lioar ny Psalmyn 1765 (Pointed)

³ Yeeagh Jee neose veih niau er cloan gheiney: dy akin row veg jeu yinnagh toiggal, as shirrey lurg Jee.

Psalmyn 53:3 ပူးပေါင်းရင်းမြစ်များ

2 Samuel 20:2

Myr shen hie ooilley deiney Israel seose veih David, as deiyr ad er Sheba mac Bichri: agh lhiann deiney Yudah gys nyn ree, veih Jordan eer gys Jerusalem.

Lioar Yob 15:16

Cre-woad sloo dwoaiagh as neu-ghlen ta dooinney, ta sluggey mee-chairys myr ushtey?

Psalmyn 14:3

Yeeagh y Chiarn neose veih niau er cloan gheiney: dy akin row veg jeu yinnagh toiggal, as shirrey lurg Jee.

Isaiah 53:6

Ta shinyn ooilley, myr kirree, er n’gholl er-shaghryn; ta shin er jyndaa dagh unnane ain gys e raad hene; as ta’n Chiarn er lhie ersyn yn loght ain ooilley.

Isaiah 64:6

Agh ta shin ooilley goll-rish red neu-ghlen, as ta ooilley yn ynrickys ain myr frytlagyn broghe; as ta shin ooilley fioghey myr duillag; as ta’n neu-chairys ain, myr y gheay, er heebey shin ersooyl.

Ezekiel 36:25

Eisht spreih-yms shiu lesh ushtey glen, as bee shiu er nyn ghlenney veih ooilley nyn mroïd, as veih ooilley ny jallooyn eu neem’s shiuish y ghlenney.

Zephaniah 1:6

As adsyn ta er chur cooyl rish y Chiarn, as adsyn nagh ren shirrey huggey, ny briaght er e hon.

Romanee 3:12

T’ad ooilley er n’gholl ass y raad, t’ad ooilley dyn ymmyd: cha vel fer hene ta jannoo dy mie, cha vel unnane.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

3 Ean 1:11

Charrey, ny eiyr er yn olk, agh er shen ta mie. Eshyn ta jannoo mie, t’eh jeh Jee: agh eshyn ta jannoo olk, cha vel eh er vakin Jee.

Ashlish 22:11

Lhig dasyn ta neu-chairagh, ve dy kinjagh neu-chairagh: as lhig dasyn ta neu-ghlen, ve kinjagh neu-ghlen: as lhig dasyn ta cairagh, ve kinjagh cairagh: as lhig dasyn ta casherick, ve kinjagh casherick.