Psalmyn 52:6 - Yn Vible Casherick 1775 1819

⁶ Shen-y-fa nee Jee oo y stroie er son dy bragh: nee eh dty ghoaill, as dty hayrn ass dty chummal, as nee eh oo y astyrt magh ass cheer y sleih bio.

Lioar ny Psalmyn 1765 (Pointed)

⁶ Shen-y-fa nee Jee oo y stroie er son dy-bragh: gow-ee eh oo, as tayrnee eh oo ass dty chummal, as nee eh oo y astyrt magh ass cheer y sleih bio.

Psalmyn 52:6 ပူးပေါင်းရင်းမြစ်များ

Lioar Yob 22:19

Ta’n sleih cairal fakin shoh, as s’mie lhieu eh; as t’ad ayns faghid ec y vooinjer ôney.

Psalmyn 119:120

Ta my eill er-creau son aggle jeed’s: as ta mee fo atchim dty vriwnyssyn.

Psalmyn 120:2

Livrey m’annym’s, O Hiarn, veih meillyn breagagh: as veih chengey molteyragh.

Psalmyn 37:34

Cha vaag y Chiarn eh ayns e laue: ny eh y gheyrey tra t’eh er ny vriwnys.

Psalmyn 40:3

As t’eh er choyrt arrane noa ayns my veeal: dy jarroo, toyrt-booise gys y Jee ain.

Psalmyn 64:9

As jir dy chooilley ghooinney hee eh, She Jee t’er n’yannoo shoh: son ver ad tastey dy nee eh yn obbyr echeysyn.

Psalmyn 97:8

Cheayll Sion jeh shoh, as ghow ee boggey: as va inneenyn Yudah gennal, er graih dty vriwnyssyn, O Hiarn.

Raaghyn Creeney 12:19

Bee meillyn ny firriney er ny hickyraghey son dy bragh: agh cha vel chengey vreagagh agh son tullogh.

Isaiah 37:22

Shoh yn goo ta’n Chiarn er loayrt my-e-chione, Ta’n voidyn, inneen Zion, er hoiaghey beg jeed, as er ghearey ort gys faghid; ta inneen Yerusalem er chraa e kione ort.

Malachi 1:5

As nee ny sooillyn eu fakin, as nee shiu gra, Bee yn Chiarn er ny ghloyraghey veih ardjyn Israel.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.

Ashlish 18:20

Bee-jee boggyssagh er-e-skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.