Psalmyn 51:6 - Yn Vible Casherick 1775 1819

⁶ Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Lioar ny Psalmyn 1765 (Pointed)

⁶ Agh cur-my-ner, t’ow shirrey firrinys ayns ny ayrnyn er cheu-sthie: as ver oo orrym toiggal creenaght dy-follit.

Psalmyn 51:6 ပူးပေါင်းရင်းမြစ်များ

2 Samuel 12:13

As dooyrt David rish Nathan, Ta mee er n’yannoo peccah noi’n Chiarn. As dooyrt Nathan rish David, Ta’n Chiarn myrgeddin er choyrt ersooyl dty pheccah; cha vow baase.

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

1 Recortyssyn 29:17

Ta fys aym myrgeddin, my Yee, dy vel oo prowal yn cree, as dy vel taitnys ayd ’syn ynrickys. Er my hon’s ayns ynrickys my chree ta mee dy aggindagh er hebbal ooilley’n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood’s dy arryltagh.

Lioar Yob 32:8

Agh ta spyrryd ayns dooinney; as ta bree yn Ooilley-niartal cur tushtey daue.

Lioar Yob 38:36

Quoi t’er choyrt creenaght ayns yn aigney? ny quoi t’er choyrt tushtey ayns y chree?

Psalmyn 125:4

Jean mie, O Hiarn: dauesyn ta mie as firrinagh ayns cree.

Psalmyn 15:2

Eshyn dy jarroo ta leeideil bea ôney: as ta jannoo yn red ta jeeragh, as ta loayrt yn irriney veih e chree.

Psalmyn 26:2

Feysht mee, O Hiarn, as prow mee: ronsee my veeghyn as my chree.

Psalmyn 32:5

Goym rish my pheccah hood’s: as my neu-chairys cha vel mee er cheiltyn.

Psalmyn 41:5

Ta my noidyn loayrt dy olk jee’m: Cuin yiow eh baase, as cuin nee e ennym cherraghtyn?

Psalmyn 5:9

Son cha vel veg y firrinys ayns e veeal: ta ny ayrnyn cheu-sthie oc eer olkys.

Raaghyn Creeney 2:21

Son nee deiney ynrick cummal ’sy cheer, as nee feallagh ny firrinys tannaghtyn ayn.

Raaghyn Creeney 2:6

Son ta’n Chiarn coyrt creenaght: ass y veeal echeysyn ta cheet fysseree as tushtey.

Jeremiah 12:1

Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Jeremiah 31:33

Agh shoh vees y conaant neem’s rish thie Israel; Lurg ny laghyn shen, ta’n Chiarn dy ghra, ver-yms my leigh er cheu-sthie jeu, as scrieu-yms eh er nyn greeaghyn; as beem’s yn Jee oc, as bee adsyn my phobble’s.

Jeremiah 32:40

As neem’s conaant foddey beayn y yannoo roo, nagh jyndaa-yms ersooyl voue, agh dy jean-yms mie daue; as ver-yms my aggle ayns nyn greeaghyn, nagh jean ad m’y hreigeil.

Jeremiah 5:3

O Hiarn, nagh vel ny sooillyn ayd’s er yn ynrickys? t’ou uss er lhie dty laue orroo, agh cha vel ad er ghoaill shoh gys nyn gree; t’ou uss dy choyrt mow ad, agh t’ad er n’obbal dy ghoaill kerraghey: t’ad er n’yannoo nyn eddin ny s’creoi na’n chreg; t’ad er n’obbal dy hyndaa.

Noo Luke 11:39

As dooyrt y Chiarn rish, Nish ta shiuish Phariseeyn glenney yn cappan as y claare er cheu-mooie: agh ta’n cheu-sthie eu lane dy hranlaase as dy olkys.

Romanee 7:22

Son ta taitnys aym ayns leigh Yee, cordail rish y dooinney er cheu-sthie.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

Jamys 4:8

Tayrn-jee er-gerrey gys Jee, as tayrnee eshyn er-gerrey diuish: niee-jee nyn laueyn, shiuish pheccee, as glen-jee nyn greeaghyn, shiuish dy aigney ghooble.

1 Peddyr 3:4

Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.