Psalmyn 51:5 - Yn Vible Casherick 1775 1819

⁵ Cur-my-ner va mee er my chummey ayns olkys: as ayns peccah ren my voir m’y yiennaghtyn.

Lioar ny Psalmyn 1765 (Pointed)

⁵ Cur-my-ner va mee er my chummey ayns olkys: as ayns peccah ren my voir m'y yiennaghtyn.

Psalmyn 51:5 ပူးပေါင်းရင်းမြစ်များ

Genesis 5:3

As va Adam shey-feed bleïn as jeih dy eash, as hooar eh mac ayns e chaslys hene, goll-rish hene; as ren eh genmys eh Seth.

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

Lioar Yob 14:4

Quoi oddys red glen y chur lesh ass red neu-ghlen? cha vod fer erbee.

Psalmyn 58:3

Ta ny mee-chrauee frourtagh, dy jarroo veih breïn nyn mayrey: cha leah as t’ad er nyn ruggey, t’ad goll er-shaghryn, as loayrt breagyn.

Leviticus 15:18

Yn ven myrgeddin, nee dooinney lhie mâree, nee ad ny-neesht faarkey ad hene ayns ushtey, as ve neu-ghlen derrey’n astyr.

Noo Ean 3:6

Shen t’er ny ruggey jeh’n eill, te foalley; as shen t’er ny ruggey jeh’n Spyrryd, te spyrrydoil.

Romanee 5:12

Shen-y-fa, myr liorish un dooinney haink peccah stiagh ’sy theihll, as baase liorish peccah; as myr shen jimmee’n baase er dy chooilley ghooinney, son dy vel ooilley er n’yannoo peccah.

Ephesianee 2:3

Ayndoo shoh ren shin ooilley myrgeddin baghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.