Psalmyn 51:4 - Yn Vible Casherick 1775 1819

⁴ Dt’oï’s dty-lomarcan ta mee er n’yannoo peccah, as er chur rish yn olk shoh ayns dty hilley: dy voddagh oo v’er dty heyrey ayns dty raa, as ynrick tra t’ou briwnys.

Lioar ny Psalmyn 1765 (Pointed)

⁴ Dt’oï’s dty-lomarcan ta mee er n’yannoo peccah, as er chur rish yn olk shoh ayns dty hilley: dy voddagh oo v’er dty heyrey ayns dty raa, as ynrick tra t’ow briwnys.

Psalmyn 51:4 ပူးပေါင်းရင်းမြစ်များ

Genesis 20:6

As dooyrt Jee rish ayns dreamal, Dy jarroo, ta fys aym dy ren oo shoh ayns neu-loghtynid dty chree: son ren mish myrgeddin dty lhiettal veih jannoo peccah m’oï: shen-y-fa cha lhig mee dhyt bentyn r’ee.

Genesis 38:7

As va Er, mac shinney Yudah, cur rish olk ayns shilley’n Chiarn; as stroie yn Chiarn eh.

Genesis 39:9

Cha vel unnane ny syrjey ’sy thie shoh na mish: chamoo t’eh er reayll nhee erbee voym’s, agh uss, er-yn-oyr dy nee oo yn ven echey: kys eisht oddym’s cur rish yn aggair vooar shoh, as peccah ’yannoo noi Jee?

Genesis 9:6

Quoi-erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

2 Reeaghyn 17:17

As hug ad er ny mec as ny inneenyn oc dy gholl trooid yn aile, as hug ad rish faishnys as obbeeys, as chreck ad ad-hene dy yannoo olk ayns shilley yn Chiarn, dy vrasnaghey eh gys corree.

2 Reeaghyn 21:6

As hug eh er e vac dy gholl trooid yn aile, as deiyr eh er guessyn, as hug eh rish buitcheraght, as ghell eh rish spyrrydyn faishnee as fir-obbee: as dobbree eh mooarane olk ayns shilley yn Chiarn, dy vrasnaghey eh gys corree.

Psalmyn 50:4

Nee eh geamagh er ny niaughyn veih’n yrjid: as er y theihll, dy vod eh briwnys e phobble.

Psalmyn 50:6

As nee ny niaughyn fockley magh e chairys: son Jee hene yn Briw.

Isaiah 43:25

Mish, dy jarroo mish hene eh, ta leih dhyt dty loghtyn er my ghraih hene, as cha gooin-ym er dty pheccaghyn.

Leviticus 5:19

Te ny oural-loght: t’eh dy shickyr er yannoo peccah noi’n Chiarn.

Noo Luke 15:21

As dooyrt y mac rish, Ayr, ta mee er n’yannoo peccah noi niau, as ayns dty hilley’s, as cha vel mee ny-sodjey feeu dy ve enmyssit dty vac.

Noo Luke 7:29

As ren ooilley yn pobble cheayll eh, as ny publicanee Jee y heyrey, as v’ad er nyn mashtey lesh bashtey Ean.

Jannoo 17:31

Er-yn-oyr dy vel eh er n’oardaghey laa ry-hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

Romanee 2:5

Agh cordail rish creoghys dty chree vee-arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Romanee 3:4

Ny lhig eh Jee: dy jarroo, lhig da Jee ve firrinagh, as dy chooilley ghooinney ny vreagerey; myr te scruit, Dy voddagh oo v’er dty heyrey ayns dty raa, as ynrick tra t’ou briwnys.

Jamys 2:11

Son eshyn dooyrt, Ny jean poosey vrishey; dooyrt myrgeddin, Ny jean dunverys. Nish ga nagh vel oo brishey poosey, ny-yeih my t’ou dunverys, t’ou brishey’n leigh.

Jamys 2:9

Agh my ta shiu jannoo soiagh jeh persoonyn, ta shiu jannoo peccah, as ta shiu deyrit liorish y leigh myr drogh-yantee.

Ashlish 16:5

As cheayll mee ainle ny hushtaghyn gra, T’ou uss cairagh, O Hiarn, ta, as va, as vees, er-yn-oyr dy vel oo myr shoh er vriwnys:

Ashlish 19:11

As honnick mee niau foshlit as cur-my-ner, cabbyl bane: as va eshyn va markiagh er enmyssit Firrinagh as Ynrick, as ayns cairys t’eh briwnys as jannoo caggey.