Psalmyn 51:2 - Yn Vible Casherick 1775 1819

² Niee mee dy bollagh veih m’olkys: as glen mee veih my pheccah.

Lioar ny Psalmyn 1765 (Pointed)

² Niee mee dy-bollagh veih m’olkys: as glen mee veih my pheccah.

Psalmyn 51:2 ပူးပေါင်းရင်းမြစ်များ

2 Samuel 11:4

As hug David chaghteryn, as hug ad lhieu ee, as haink ee stiagh huggey, as lhie eh mâree, (son v’ee er niee ee-hene,) as hyndaa ee thie.

2 Samuel 12:1

As hug y Chiarn Nathan gys David, As haink eh huggey, as dooyrt eh rish, Va daa ghooinney ’syn un ard-valley; yn derrey yeh berchagh, as y jeh elley boght.

Psalmyn 19:12

Quoi oddys ginsh earroo e loghtyn? O glen mee veih my pheccaghyn follit.

Psalmyn 51:7

Nee oo mish y ghlenney lesh hyssop, as bee’m glen: nee oo m’y niee, as bee’m ny s’gilley na sniaghtey.

Isaiah 1:16

Niee-jee, jean-jee glen; cur-jee ersooyl olk nyn yannoo veih my hooillyn; scuirr-jee veih’n drogh-yannoo;

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Ezekiel 36:25

Eisht spreih-yms shiu lesh ushtey glen, as bee shiu er nyn ghlenney veih ooilley nyn mroïd, as veih ooilley ny jallooyn eu neem’s shiuish y ghlenney.

Leviticus 13:58

As yn garmad, edyr gloo, ny innagh, ny jeh stoo erbee dy chrackan vees nieet, my ta’n doghan er n’gholl assdoo, eisht bee eh nieet yn nah cheayrt, as bee eh glen.

Zechariah 13:1

As ayns y laa shen bee farrane er ny osley da thie Ghavid, as da cummaltee Yerusalem, son peccah, as son neu-ghlennid.

Noo Ean 13:9

Dooyrt Simon Peddyr rish, Hiarn, cha nee ynrycan eisht my chassyn, agh myrgeddin my laueyn, as my chione.

Jannoo 22:16

As nish cre’n-fa t’ou lhiggey shaghey? irree as bee er dty vashtey, as niee ersooyl dty pheccaghyn, geamagh er ennym y Chiarn.

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

Ashlish 1:5

As veih Yeesey Creest, yn feanish firrinagh, as y chied-er-ny-ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.