Psalmyn 51:19 - Yn Vible Casherick 1775 1819

¹⁹ Eisht nee uss boggey ’ghoaill ayns yn oural dy chairys, ayns ourallyn-losht as chebballyn: eisht nee ad chebbal dew aegey er dt’altar.

Lioar ny Psalmyn 1765 (Pointed)

¹⁹ Eisht nee uss boggey ’ghoaill aynsyn lesh oural dy chairys, ayns ourallyn-losht as chebballyn: eisht nee ad chebbal dew aegey er dt’altar.

Psalmyn 51:19 ပူးပေါင်းရင်းမြစ်များ

2 Reeaghyn 22:19

Er-yn-oyr dy row dty chree meiygh, as dy vel oo er injillaghey oo-hene kiongoyrt rish y Chiarn, tra cheayll oo shen ny loayr mee noi yn ynnyd shoh, as noi ny cummaltee echey, dy darragh ad dy ve nyn draartys as mollaght, as dy raip oo dty choamrey, as dy cheayn oo kiongoyrt rhym; ta mee myrgeddin er chlashtyn oo, ta’n Chiarn dy ghra.

Psalmyn 118:27

Jee yn Chiarn t’er chur dooin soilshey: kiangle-jee yn oural lesh coyrdyn, gys eer eairkyn yn altar.

Psalmyn 34:19

S’mooar ta seaghyn y fer-cairal: agh ta’n Chiarn cur feaysley da assdoo ooilley.

Psalmyn 4:5

Cheb-jee yn oural dy chairys: as cur-jee nyn dreishteil ayns y Chiarn.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 66:2

Son dy chooilley nhee jeu shoh ooilley ta my laue hene er chummey, as liorym’s ta ooilley ny reddyn shoh tannaghtyn, ta’n Chiarn dy ghra: agh gys y dooinney shoh neem’s jeeaghyn, dy jarroo dasyn ta boght as dy chree arryssagh, as arrymagh da my ghoo.

Malachi 3:3

As nee eh soie goll-rishyn ta glenney as scarrey argid veih’n dross: as nee eh mec Levi y chasherickey, as ad y ghlenney myr airh as argid, dy vod ad oural gys y Chiarn y hebbal ayns ynrickys.

Romanee 12:1

Ta mee guee erriu er-y-fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

Ephesianee 5:2

As immee-jee ayns graih, myr ta Creest myrgeddin er chur graih dooinyn, as er choyrt eh-hene er nyn son, chebbal as oural son soar millish da Jee.