Psalmyn 51:16 - Yn Vible Casherick 1775 1819

¹⁶ Son cha vel oo shirrey oural, nonney yinnin dhyt eh: cha vel taitnys ayd ayns chebballyn-losht.

Lioar ny Psalmyn 1765 (Pointed)

¹⁶ Son cha vel oo shirrey oural, nonney yinnin dhyt eh: cha vel taitnys ayd ayns chebballyn-losht.

Psalmyn 51:16 ပူးပေါင်းရင်းမြစ်များ

2 Samuel 12:9

Cre’n-fa t’ou er hoiaghey beg jeh anney’n Chiarn, dy yannoo olk ayns e hilley? T’ou er varroo Uriah yn Hittite lesh y chliwe, as er ghoaill y ven echey dy ve son ben dhyt hene, as t’ou er varroo eh lesh cliwe cloan Ammon.

Psalmyn 40:6

O Hiarn my Yee, s’mooar ta ny obbraghyn yindyssagh t’ou uss er n’yannoo, myr ta neesht dty smooinaghtyn hooinyn: as foast cha vel y dooinney shen oddys yn earroo oc y hoiaghey royd dy kiart.

Psalmyn 50:8

Cha der-yms oghsan dhyt son dty ourallyn, ny son dty hebballyn-losht: son nagh row ad kinjagh kiongoyrt rhym.

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Psalmyn 71:15

T’ou uss, O Yee, er m’ynsaghey veih m’aegid derrey nish: shen-y-fa soilshee-yms magh dty obbraghyn yindyssagh.

Exodus 21:14

Agh my hig dooinney jeh e yoïn er e naboo, er-chee dy varroo eh gyn-yss: nee oo goaill eh voish m’altar, as ver oo gy-baase eh.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Raaghyn Creeney 21:27

Ta oural ny mee-chrauee dwoaiagh: cre-woad smoo, tra t’eh dy hebbal eh lesh cree crauee-oalsey?

Jeremiah 7:27

Shen-y-fa nee oo loayrt roo ooilley ny goan shoh; agh cha n’eaishtee ad rhyt: nee oo myrgeddin geamagh huc; agh cha der ad ansoor dhyt.

Hosea 6:6

Son yeearree mee myghin roish oural: as tushtey dy Yee, ny smoo na ourallyn-losht.

Earrooyn 15:27

As my nee persoon erbee peccah trooid mee-hushtey, eisht ver eh lesh minsheig jeh’n vleïn shen son oural-peccah.

Earrooyn 35:31

Ny-sodjey, cha jean shiu goaill coonrey erbee son bioys yn dunver, ta toilchin baase: agh bee eh son shickyrys er ny stroie.

Deuteronomy 22:22

My vees dooinney goit ny lhie marish ben-phoost, eisht bee ad ny-neesht er nyn goyrt gy-baase, chammah yn dooinney, ren lhie marish y ven, as y ven hene: myr shoh ver oo olk ersooyl voish Israel.

1 Samuel 15:22

As dooyrt Samuel, Vel wheesh dy haitnys ec y Chiarn ayns ourallyn-losht as chebballyn, as t’echey ayns biallys da coraa’n Chiarn? Cur-my-ner, ta biallys ny share na oural, as dy choyrt ammys, na riurid reaghyn.