Psalmyn 51:15 - Yn Vible Casherick 1775 1819

¹⁵ Nee uss my veillyn y osley, O Hiarn: as nee my veeal soilshaghey magh dty voylley.

Lioar ny Psalmyn 1765 (Pointed)

¹⁵ Nee uss my veillyn y osley, O Hiarn: as nee my veeall soilshaghey magh dty voylley.

Psalmyn 51:15 ပူးပေါင်းရင်းမြစ်များ

Genesis 44:16

As dooyrt Judah, Cre jir mayd rish my hiarn? cre nee mayd gra ny kys nee mayd shin hene y heyrey? ta Jee er choyrt gys soilshey mee-chairys dty harvaantyn: cur-my-ner, ta shin sharvaantyn my hiarn, chammah shinyn, as eshyn myrgeddin, echey ta’n cappan er ny gheddyn.

Psalmyn 119:13

Lesh my veillyn ta mee er ny ve ginsh: jeh ooilley briwnyssyn dty veeal.

Psalmyn 9:14

Dy voddym soilshaghey ooilley dty voylley cheu-sthie jeh giattyn inneen Sion: neem’s boggey ’ghoaill ayns dty haualtys.

Exodus 4:11

As dooyrt y Chiarn rish, Quoi t’er chummey beeal dooinney? ny quoi t’er n’yannoo yn bouyr, ny’n balloo? ny’n fakin, ny’n doal? nagh nee mish, yn Chiarn?

Ezekiel 16:63

Dy vod oo cooinaghtyn as ve dty host, as gyn dy bragh dty veeal y osley arragh er coontey dty nearey, tra ta mee coardit rhyt, son ooilley ny t’ou er n’yannoo, ta’n Chiarn Jee dy ghra.

Ezekiel 29:21

Er y laa shen ver-yms er eairk thie Israel dy chur magh, as ver-yms dhyt reamys glare nyn mastey, as bee fys ayd, dy nee mish y Chiarn.

Ezekiel 3:27

Agh tra loayr-yms rhyt, neem’s dty veeal y osley, as jir oo roo, Myr shoh ta’n Chiarn Jee dy ghra, Eshyn ta clashtyn, lhig da clashtyn; as eshyn ta shaghney, lhig da shaghney: son t’ad thie mee-viallagh.

Ezekiel 33:11

Abbyr roo, Myr ta mee bio, ta’n Chiarn Jee dy ghra, cha vel veg y taitnys aym’s ayns baase ny mee-chrauee, agh dy jinnagh ny mee-chrauee chyndaa veih nyn raad, as ve bio: chyndaa-jee, chyndaa-jee veih nyn ghrogh raaidyn; son cre’n-fa ta shiu tayrn baase erriu hene, O hie Israel?

Noo Mian 22:12

As dooyrt eh rish, Heshey vie, kys haink uss stiagh ayns shoh, fegooish garmad-banshey? As cha row fockle echey dy ghra.

Noo Mark 7:34

As yeeagh eh seose gys niau, as lhig eh osney, as dooyrt eh rish, Ephphatha, ta shen, Bee foshlit.

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Hebrewnee 13:15

Liorishyn er-y-fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

1 Samuel 2:9

Nee eh coadey cassyn e nooghyn, as bee ny mee-chrauee nyn dhost ayns dorraghys; son liorish niart cha vow dooinney erbee yn varriaght.