Psalmyn 51:14 - Yn Vible Casherick 1775 1819

¹⁴ Livrey mee veih loght-folley, O Yee, uss ta Jee my lhaynt: as nee my hengey arrane y ghoaill jeh dty chairys.

Lioar ny Psalmyn 1765 (Pointed)

¹⁴ Livrey uss mee veih loght-foalley, O Yee, uss ta Jee my lhaynt: as nee my hengey arrane y ghoaill jeh dty chairys.

Psalmyn 51:14 ပူးပေါင်းရင်းမြစ်များ

Genesis 42:22

As loayr Reuben roo, gra, Nagh loayr mish riuish, gra, Ny cur-jee laue er y lhiannoo, as cha n’eaishtagh shiu rhym? shen-y-fa, cur-jee my-ner nish, ta loght yn uill echey orrin.

Genesis 9:6

Quoi-erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

2 Samuel 12:9

Cre’n-fa t’ou er hoiaghey beg jeh anney’n Chiarn, dy yannoo olk ayns e hilley? T’ou er varroo Uriah yn Hittite lesh y chliwe, as er ghoaill y ven echey dy ve son ben dhyt hene, as t’ou er varroo eh lesh cliwe cloan Ammon.

2 Samuel 21:1

Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

2 Samuel 3:28

As ny lurg shen, tra cheayll David jeh, dooyrt eh, Ta mish as my reeriaght son dy bragh seyr fenish y Chiarn veih fuill Abner mac Ner:

Ezra 9:13

As lurg ooilley ny t’er jeet orrin son nyn ghrogh-yannoo, as son nyn beccah trome, fakin dy vel uss y Jee ain er cherraghey shin ny sloo na ta nyn beccaghyn dy hoilchin, as er choyrt dooin lheid y livrey shoh:

Nehemiah 9:33

Agh, t’ou uss cairagh ayns ooilley ny t’er duittym orrin: t’ou uss er n’yannoo dy cairagh, agh shinyn dy neu-chairagh.

Psalmyn 25:5

Tayrn gys cooinaghtyn, O Hiarn, dty vyghinyn meiygh: as dty chenjallys-ghraihagh, t’er ny ve er-dy-rieau.

Psalmyn 26:9

O ny jeigh seose m’annym marish ny peccee: ny my vioys marish y vooinjer folley;

Psalmyn 35:28

As er son my hengey’s, bee eh loayrt jeh dty chairys: as jeh dty voylley fey-ny-laa.

Psalmyn 38:22

Jean siyr dy chooney lhiam: O Hiarn Yee my haualtys.

Psalmyn 55:23

O tilg dty errey er y Chiarn, as nee eh dty chummal seose: as cha lhig eh da’n fer-cairagh tuittym son dy bragh.

Psalmyn 68:20

Eshyn y Jee ain, dy jarroo yn Jee veih ta cheet nyn saualtys: Jee yn Chiarn, liorishyn ta shin shaghney baase.

Psalmyn 88:1

O Hiarn Yee dy my haualtys, ta mee er n’eamagh laa as oie kiongoyrt rhyt’s: O lhig da my phadjer cheet stiagh ayns yn enish ayd’s, croym dty chleaysh gys m’eam;

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Isaiah 45:17

Agh bee Israel er ny hauail ayns y Chiarn lesh saualtys dy bragh farraghtyn: cha bee shiuish er nyn goyrt gys nearey ny er nyn gastey seihll gyn jerrey.

Ezekiel 33:8

Tra ta mee gra rish ny mee-chrauee, O ghooinney mee-chrauee, yiow uss dy shickyr baase; mannagh vel uss loayrt, dy chur raaue da’n dooinney mee-chrauee dy lhiasaghey e raad, yiow yn dooinney mee-chrauee shen baase ayns e vee-chairys; agh yn uill echey neem’s shirrey ec dty laue’s.

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Daniel 9:7

O Hiarn, hood’s ta bentyn ynrickys, agh hooinyn nearey er nyn eddin, myr ec y laa t’ayn jiu; gys deiney Yudah, as da cummaltee Yerusalem, as da ooilley Israel foddey as gerrit, trooid ooilley ny cheeraghyn, raad t’ou uss er n’eebyrt magh ad, kyndagh rish nyn loghtyn t’ad er n’yannoo dt’oï.

Hosea 4:2

Liorish loo oaiagh, as breagyn, as dunverys, as geid, as brishey-poosey, t’ad brishey magh, as ta dunverys er dunverys.

Habakkuk 3:18

Ny-yeih neem’s mee hene y gherjaghey ayns y Chiarn, as goym boggey ayns Jee my haualtys.

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu-chyndagh: veih shoh magh hem roym gys ny Ashoonee.

Jannoo 20:26

Shen-y-fa ta mee goaill feanish erriu er y laa t’ayn jiu, dy vel mee glen veih fuill dy chooilley ghooinney:

Romanee 10:3

Son mee-hushtagh jeh cairys Yee, as shirrey dy hoiaghey seose yn chairys oc hene, cha vel ad er injillaghey ad-hene gys cairys Yee.