Psalmyn 51:12 - Yn Vible Casherick 1775 1819

¹² O cur dou reesht gerjagh dty chooney: as niartee mee lesh dty Spyrryd arryltagh.

Lioar ny Psalmyn 1765 (Pointed)

¹² O cur dou reesht gerjagh dty chooney: as niartee mee lesh dty Spyrryd arryltagh.

Psalmyn 51:12 ပူးပေါင်းရင်းမြစ်များ

Psalmyn 119:133

Jean my chesmadyn y leeideil ayns dty ghoo: as myr shen cha vow mee-chraueeaght erbee barriaght orrym.

Psalmyn 13:5

Agh ta my hreishteil ayns dty vyghin: as nee my chree boggey ’ghoaill ayns dty haualtys.

Psalmyn 17:5

Cum uss seose my immeeaght ayns dty raaidyn: nagh jean my chesmadyn skyrraghtyn.

Psalmyn 19:13

Freill dty harvaant myrgeddin veih peccaghyn dy ghaanys, nagh vow ad barriaght harrym: myr shen bee’m seyr, as gyn loght veih’n peccah trome.

Psalmyn 21:1

Nee’n Ree boggey ’ghoaill ayns dty niart, O Hiarn: feer yennal vees eh jeh dty haualtys.

Psalmyn 24:4

Eshyn eh ta laueyn glen echey, as cree gyn-loght: as nagh vel er hoiaghey e aigney er foalsaght, as nagh vel er ghoaill loo dy volley e naboo.

Psalmyn 35:9

As m’annym, bee gerjoilagh ayns y Chiarn: nee eh boggey ’ghoaill ayns e haualtys.

Isaiah 41:10

Ny bee aggle ort, son ta mish mayrt; ny bee lhag-chreeagh, son mish y Jee ayd’s: nee’m dty niartaghey; dy feer, neem’s cooney lhiat; neem’s dy jarroo uss y reir lesh laue yesh my ynrickys.

Isaiah 49:13

Gow-jee arrane, O shiuish niaughyn; as gow uss boggey, O halloo; as brish-jee magh ayns bingys, O leityn; son ta’n Chiarn er gherjaghey e phobble, as bee eh myghinagh da e vooinjer seaghnit.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

Jeremiah 10:23

O Hiarn, ta fys aym nagh vel immeeaght dooinney fo’n reill echey hene: cha vel eh ayns dooinney ta shooyl dy oardaghey e chesmadyn hene.

Noo Luke 1:47

As ta my spyrryd er ghoaill boggey ayns Jee my Haualtagh.

Romanee 14:4

Quoi oo hene ta briwnys sharvaant ghooinney elley? liorish [briwnys] e vainshter hene t’eh shassoo ny tuittym: Dy jarroo, bee eh er ny chummal seose: son ta Jee abyl dy niartaghey eh.

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

2 Corinthianee 3:17

Nish she’n Chiarn yn Spyrryd shen: as raad ta Spyrryd y Chiarn, shen y raad ta reamys.

1 Peddyr 1:5

Ta er nyn vendeil liorish pooar Yee trooid credjue gys saualtys, aarloo dy ve er ny hoilshaghey ec y laa jerrinagh.

Jude 1:24

Nish huggeysyn ta abyl dy reayll shiu veih tuittym, as dy hebbal shiu gyn loght kionfenish e ghloyr lesh boggey erskyn towse,