Psalmyn 51:11 - Yn Vible Casherick 1775 1819

¹¹ Ny tilg mee ersooyl veih dt’enish: as ny gow dty Spyrryd Casherick voym.

Lioar ny Psalmyn 1765 (Pointed)

¹¹ Ny tilg mee ersooyl veih dt’enish: as ny gow dty Spyrryd Casherick voym.

Psalmyn 51:11 ပူးပေါင်းရင်းမြစ်များ

Genesis 4:14

Cur-my-ner, t’ou er my imman jiu veih eaghtyr y cheer shoh: as veih dty enish bee’m er my eiyrt, as bee’m er my yiooldey magh, as my wagaantagh er yn ooir: as hig eh gy-kione, dagh unnane nee m’y gheddyn magh, dy stroie eh mee.

Genesis 6:3

As dooyrt y Chiarn, Cha jean my spyrryd dy kinjagh streeu rish dooinney, fakin nagh vel eh hene myrgeddin agh foalley: foast bee e eash shey-feed bleïn.

2 Samuel 7:15

Agh my vyghin cha goym voish, myr ghow mee veih Saul, eshyn ren mee scughey veih dt’eddin.

2 Reeaghyn 13:23

As va’n Chiarn graysoil daue, as chymmoil orroo, er coontey e chonaant rish Abraham, Isaac, as Jacob, as cha jinnagh eh ad y stroie, chamoo ad y scarrey foast veih e enish.

2 Reeaghyn 23:27

As dooyrt y Chiarn, Neem’s Judah myrgeddin y scughey ass my hilley myr ta mee er scughey Israel, as jiooldey voym yn ard-valley shoh Jerusalem ren mee y reih, as y thie my-e-chione dooyrt mee, Bee my ennym ayns shen.

2 Reeaghyn 24:20

Son trooid jymmoose y Chiarn haink shoh er Jerusalem as Judah, dy hilgey ad magh veih e enish, dy ren Zedekiah girree-magh noi ree Vabylon.

Psalmyn 43:2

Son uss Jee my niart, cre’n-fa t’ou er my scughey voïd: as cre hon ta mee goll cha trimshagh choud as ta’n noid jannoo tranlaase orrym?

Psalmyn 71:18

O cre’n seaghyn as yn arkys trome t’ou er choyrt my raad! as foast hyndaa oo as ren oo mee y ooraghey: dy jarroo, as hug oo lhiat mee reesht veih diunid ny hooirey.

Psalmyn 71:9

Son ta my noidyn loayrt m’oï, as t’adsyn ta lhie farkiaght son m’annym, coyrt nyn goyrle dy cheilley, gra: Ta Jee er hreigeil eh; eiyr-jee er, as gow-jee eh; son cha vel fer erbee dy livrey eh.

Jeremiah 7:15

As nee’m shiu y hilgey magh ass my hilley, myr ta mee er hilgey magh ooilley nyn mraaraghyn, eer slane sluight Ephraim.

Noo Luke 11:13

My ta toiggal er-y-fa shen euish, ta olk, kys dy choyrt giootyn mie da nyn gloan; cre-woad smoo nee yn Ayr flaunyssagh eu yn Spyrryd Noo y choyrt dauesyn ta jannoo aghin huggey?

Noo Ean 14:26

Agh nee Fer-ny-gherjagh, ta shen, yn Spyrryd Noo, eh nee yn Ayr y choyrt ayns yn ennym aym’s, gynsaghey diu dy chooilley nhee, as tayrnee eh dy chooilley nhee gys nyn gooinaghtyn, cre-erbee ta mish er ghra riu.

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree-seose-reesht veih ny merriu;

Romanee 8:9

Agh cha vel shiuish ayns yn eill, agh ayns y Spyrryd, my she shen dy vel Spyrryd Yee baghey ayndiu. Nish mannagh vel ec dooinney erbee Spyrryd Chreest, cha nee leshyn eh.

Ephesianee 4:30

As ny cur-jee corree er Spyrryd casherick Yee, liorish ta shiu cowrit gys laa yn livrey-ys eu.

2 Thessalonianee 1:9

Vees er nyn gerraghey lesh toyrt-mow dy bragh farraghtyn veih fenish y Chiarn, as veih gloyr e phooar.

Briwnyn 13:25

As ren Spyrryd y Chiarn toshiaght dy ghreinnaghey eh nish as reesht myr v’eh ayns camp Dan, eddyr Zorah as Eshtaol.

Briwnyn 15:14

As tra haink eh gys Lehi, dyllee ny Philistinee n’oï: as haink Spyrryd y Chiarn dy niartal er, as haink ny coyrdyn v’er e roihaghyn dy ve myr lieen losht lesh aile, as huitt ny geulaghyn veih e laueyn.

Briwnyn 16:20

As dooyrt ee, Ta ny Philistinee ort, Samson. As ghooisht eh ass e chadley, as dooyrt eh, Hem’s magh myr boallin, dy chraa mee-hene. As cha row fys echey dy row yn Chiarn er hreigeil eh.

1 Samuel 10:10

As tra v’ad er jeet gys y chronk, cur-my-ner, haink sheshaght d’adeyryn ny whail; as va Spyrryd Yee er, as ghow eh arraneyn-moyllee mâroo.

1 Samuel 16:14

Agh ren Spyrryd y Chiarn Saul y hreigeil, as v’eh seaghnit lesh spyrryd dy olkys veih’n Chiarn.