Psalmyn 50:7 - Yn Vible Casherick 1775 1819

⁷ Clasht, O my phobble, as neem’s loayrt: neem’s mee hene feanish y ymmyrkey dt’oï, O Israel; son mish Jee, dy jarroo yn Jee ayd’s.

Lioar ny Psalmyn 1765 (Pointed)

⁷ Clasht, O my phobble, as nee’ms loayrt: nee’ms mee hene feanish y ymmyrkey dt’oï, O Israel; son mish Jee, dy-jarroo yn Jee ayds.

Psalmyn 50:7 ပူးပေါင်းရင်းမြစ်များ

1 Reeaghyn 18:39

As tra honnick ooilley’n pobble shoh, huitt ad er nyn eddin, as dooyrt ad, Yn Chiarn, she eshyn y Jee; yn Chiarn, eshyn y Jee.

2 Reeaghyn 17:13

Foast dymmyrk y Chiarn feanish noi Israel, as noi Judah, liorish ooilley ny phadeyryn, as ooilley ny fakyderyn, gra, Chyndaa-jee veih nyn ghrogh raaidyn, as freill-jee my annaghyn as my lattyssyn, cordail rish y slane leigh ren mee y harey da nyn ayraghyn, as shen doardee mee diuish liorish my harvaantyn ny phadeyryn.

2 Recortyssyn 28:5

Shen-y-fa ren y Chiarn e Yee eh y livrey gys laue ree Syria, as woaill ad eh, as hug ad lhieu ersooyl earroo mooar jeu nyn gappee gys Damascus: as v’eh myrgeddin er ny livrey gys laue ree Israel, ren y woalley eh lesh baase mooarane sleih.

Psalmyn 49:1

O clasht-jee rish shoh, ooilley shiuish phobble: eaisht-jee rish ooilley shiuish ta baghey ’sy theihll.

Psalmyn 81:8

Phrow mee oo myrgeddin: ec ushtaghyn y streeu.

Psalmyn 81:9

Clasht-jee, O my phobble, as nee’m soilshaghey dhyt, O Israel: my nee oo geaishtagh rhym’s,

Exodus 20:2

Mish y Chiarn dty Yee, hug lhiam uss magh ass thalloo Egypt, ass thie ny bondiaght.

Isaiah 1:18

Tar-jee nish, as lhig dooin pleadeil ry-cheilley, ta’n Chiarn dy ghra. Ga dy beagh nyn beccaghyn myr scarleod, bee ad gial myr sniaghtey; ga dy vel ad jiarg myr crimson, bee ad myr yn ollan vane.

Jeremiah 2:9

Shen-y-fa neem’s foast pleadeil riu, ta’n Chiarn dy ghra, as rish cloan dty chlienney neem’s yn chooish y ghoaill seose.

Ezekiel 20:5

As abbyr roo, Myr shoh ta’n Chiarn Jee dy ghra, Er y laa reih mee Israel, as hrog mee seose my laue gys sluight thie Yacob, as hoilshee mee mee-hene daue ayns cheer Egypt, tra hrog mee seose my laue huc, gra, Mish y Chiarn nyn Yee,

Ezekiel 20:7

Eisht dooyrt mee roo, Tilg-jee ersooyl veue dy chooilley ghooinney peccaghyn dwoaiagh e hooillyn, as ny tayrn-jee peccah erriu hene liorish jallooyn Egypt: mish y Chiarn nyn Yee.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.