Psalmyn 50:2 - Yn Vible Casherick 1775 1819

² Magh ass Sion ta Jee er hoilshaghey eh-hene: ayns aalid firrinagh.

Lioar ny Psalmyn 1765 (Pointed)

² Magh ass Sion ta Jee er hoilshaghey eh hene: ayns aalid firrinagh.

Psalmyn 50:2 ပူးပေါင်းရင်းမြစ်များ

Psalmyn 48:2

Ta cronk Sion ynnyd aalin, as boggey yn seihll ooilley: er y cheu twoaie ta ard-valley yn ree mooar; te ry-akin dy vel Jee ayns ny plaaseyn eck myr kemmyrk shickyr.

Psalmyn 48:3

Son cur-my-ner, ta reeaghyn y thallooin: er nyn jaglym, as er n’gholl shaghey cooidjagh.

Psalmyn 68:24

S’mie te ry-akin, O Yee, kys t’ou uss gimmeeaght: kys t’ou uss, my Yee as Ree, gimmeeaght ayns yn ynnyd casherick.

Psalmyn 80:1

Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubim.

Psalmyn 80:17

Lhig dty laue ve er dooinney dty laue yesh: as er mac dooinney, ren oo y yannoo cha lajer er dty hon hene;

Psalmyn 80:2

Kiongoyrt rish Ephraim, Benjamin, as Manasses: gleashee seose dty niart, as tar as cooin lhien.

Psalmyn 94:1

O Hiarn Yee, dhyt’s ta bentyn dy ghoaill kerraghey: uss Yee, dhyt’s ta kerraghey bentyn, jean oo hene y hoilshaghey.

Arrane Solomon 5:16

Ta e veeal miljid hene: dy feer t’eh ooilley-cooidjagh aalin. She shoh my ghraih, as lheid shoh my charrey, O inneenyn Yerusalem.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 26:21

Son cur-my-ner, ta’n Chiarn cheet magh ass e ynnyd dy cherraghey cummaltee yn theihll son nyn mee-chairys: nee’n ooir myrgeddin yn uill eck y vrah, as cha jean ee ny-sodjey ny merriu eck y cheiltyn.

Dobberan 2:15

Ta ooilley ta goll shaghey bassey nyn laueyn ort; t’ad tassane as craa nyn ghing er inneen Yerusalem, gra, Nee shoh yn ard-valley ta sleih genmys yn ard-aalid as boggey’n slane seihll?

Hosea 5:15

Hem roym, as chyndaa-ym gys my ynnyd hene, derrey nee ad goaill-rish nyn loghtyn, as shirrey my eddin: ayns nyn seaghyn nee ad dy leah shirrey hym.

Habakkuk 2:20

Agh ta’n Chiarn ayns e hiamble casherick: lhig da ooilley yn seihll ve ny host kiongoyrt rish.

Zechariah 9:17

Son cre wheesh as ta e vieys, as cre wheesh as ta e aalid! nee arroo ny deiney aegey y yannoo gennal, as feeyn noa ny mraane aegey.

Deuteronomy 33:2

As dooyrt eh, Haink y Chiarn [mârin] veih Sinai, as veih Seir v’eh nyn leeideilagh: ren eh soilshean magh veih cronk Paran, as haink eh lesh jeih thousaneyn jeh e nooghyn: veih e laue yesh hie magh e leigh, ayns aile as taarnagh.

Ashlish 1:16

As va echey ayns e laue yesh shiaght rollageyn: as magh ass e veeal haink cliwe gyere lesh daa foyr: as va e eddin myr y ghrian tra t’eh soilshean ayns e niart.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.