Psalmyn 50:16 - Yn Vible Casherick 1775 1819

¹⁶ Agh rish ny mee-chrauee dooyrt Jee: Cre hon t’ou preacheil my leighyn, as goaill my chonaant ayns dty veeal;

Lioar ny Psalmyn 1765 (Pointed)

¹⁶ Agh rish ny mee-chrauee dooyrt Jee: Cre hon t’ow preacheil my leighyn, as goaill my chonaant ayns dty veeall;

Psalmyn 50:16 ပူးပေါင်းရင်းမြစ်များ

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Raaghyn Creeney 26:7

Cha vel lurgaghyn y chroobagh corrym: myr shen ta raa creeney ayns beeal ny mee-cheeayllee.

Isaiah 29:13

Shen-y-fa dooyrt y Chiarn, Son wheesh as dy vel yn pobble shoh tayrn er-gerrey dooys lesh nyn meeal, as dy my ooashlaghey lesh nyn meillyn, agh ta’n cree oc er ny scughey foddey voym, as ta nyn aggle roym er ny ynsaghey liorish oardagh deiney:

Isaiah 48:22

Cha vel shee erbee cour ny mee-chrauee, ta’n Chiarn dy ghra.

Ezekiel 18:27

Reesht tra ta’n dooinney mee-chrauee chyndaa ersooyl veih’n vee-chraueeaght t’eh er ny ve cur-rish, as jannoo shen ny ta lowal as jeeragh, saue-ee eh e annym bio.

Noo Ean 4:24

Ta Jee ny Spyrryd, as shegin dauesyn ta ooashlaghey eh, ooashley y choyrt da ayns Spyrryd as ayns firrinys.

1 Corinthianee 9:27

Agh ta mee freayll my chorp fo, as dy smaghtaghey eh; er-aggle liorish aght erbee, erreish dooys v’er breacheil da feallagh elley, dy beign’s mee hene tilgit jeh.

Hebrewnee 8:9

Cha nee cordail rish y chonaant ren mee rish ny ayraghyn oc ayns y laa ghow mee ad er y laue dy leeideil ad magh ass cheer Egypt; son nagh dreill ad my chonaant, as hreig mee ad, ta’n Chiarn dy ghra.

2 Peddyr 2:15

T’er dreigeil yn raad cair, as er n’gholl er-shaghryn, geiyrt da raad Balaam mac Bosor, hug saynt da’n leagh dy neu-ynrickys;