Psalmyn 50:1 - Yn Vible Casherick 1775 1819

¹ Ta’n Chiarn, dy jarroo yn Jee smoo niartal, er loayrt: as er choyrt eam da’n seihll veih irree seose ny greïney gys y gholl sheese echey.

Lioar ny Psalmyn 1765 (Pointed)

¹ Ta’n Chiarn, dy-jarroo yn Jee smoo niartal, er loayrt: as er choyrt eam da’n seihll veih irree seose ny greïney gys y gholl sheese echey.

Psalmyn 50:1 ပူးပေါင်းရင်းမြစ်များ

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

1 Reeaghyn 18:21

As haink Elijah gys ooilley’n pobble, as dooyrt eh, Caïd ta shiu leaystey eddyr daa chredjue? my she’n Chiarn y Jee, eiyr-jee er: agh my she Baal, eisht eiyr-jee ersyn. As cha dug y pobble fockle dy ansoor da.

1 Recortyssyn 15:17

Er shoh phoint ny Leviteyn Heman mac Joel; as jeh e vraaraghyn, Asaph mac Berechiah; as jeh mec Merari ny braaraghyn oc, Ethan mac Kushaiah;

1 Recortyssyn 16:37

As shoh myr daag eh ayns shen kiongoyrt rish arg conaant y Chiarn, Asaph as e vraaraghyn, dy yannoo shirveish kiongoyrt rish yn arg dy kinjagh, lurg nyn gurrym gagh-laa:

1 Recortyssyn 25:2

Jeh mec Asaph, Zaccur, as Joseph, as Nethaniah, as Asarelah, mec Asaph, fo laueyn Asaph: va jannoo kiaulleeaght cordail rish order y ree.

1 Recortyssyn 25:6

V’ad shoh ooilley fo laue nyn ayr son kiaull ayns thie’n Chiarn, lesh cymballyn, psaltereeyn, as claasaghyn, son shirveish thie Yee, cordail rish order y ree, da Asaph, Jeduthun, as Heman.

1 Recortyssyn 6:24

Tahath e vac, Uriel e vac, Uzziah e vac, as Shaul e vac.

2 Recortyssyn 29:30

Marish shoh, doardee ree Hezekiah, as ny princeyn da ny Leviteyn dy ghoaill arraneyn-moyllee da’n Chiarn, lesh goan Ghavid, as Asaph yn ashleyder: as ghow ad arraneyn-moyllee lesh boggey, as chroym ad nyn ghing, as hug ad ooashley.

Nehemiah 9:32

Nish, er-y-fa shen, nyn Yee, yn Jee mooar, niartal as atchimagh, ta freayll conaant as myghin; ny jean uss beg y hoiaghey jeh ooilley ny seaghyn shoh t’er jeet orrin hene, er ny reeaghyn, ny princeyn, ny saggyrtyn, as ny phadeyryn, as ny ayraghyn ain, as er ooilley dty phobble, veih laghyn reeaghyn Assyria, gys y laa shoh.

Nehemiah 9:6

Uss, eer uss dty-lomarcan y Chiarn, uss t’er chroo niau ny niaughyn, marish ooilley ny pooaraghyn oc, yn thalloo as ooilley ny t’ayn, ny faarkaghyn, as ooilley ny t’ayndoo, as t’ou dy choadey ad ooilley, ta sheshaght-flaunyss cur ooashley dhyt.

Psalmyn 113:3

Ta Ennym y Chiarn er ny voylley: veih irree gys lhie ny greïney.

Psalmyn 73:1

Dy firrinagh ta Jee graihagh er Israel: dy jarroo er nyn lheid as ta jeh cree glen.

Psalmyn 74:1

O Yee, cre’n-fa t’ou freayll oo hene voïn choud dy hraa: cre’n-fa ta dty yymmoose cha cheh noi kirree dty phastyr?

Psalmyn 75:1

Dhyt’s, O Yee, ta shin cur booise: dy jarroo dhyt’s ta shin cur booise.

Psalmyn 76:1

Ayns Judea ta enney er ny choyrt er Jee: ta’n ennym echey mooar ayns Israel.

Psalmyn 77:1

Eam-ym gys Jee lesh my choraa: dy jarroo gys Jee nee’m geamagh lesh my choraa, as nee eh m’y chlashtyn.

Psalmyn 78:1

Clasht-jee rish my leigh’s, O my phobble: croym-jee nyn gleayshyn gys goan my veeal’s.

Psalmyn 79:1

O Yee, ta ny ashoonyn-quaagh er jeet stiagh ayns dt’eiraght: dty hiamble casherick t’ad er yannoo neu-ghlen, as er yannoo Jerusalem carnane dy chlaghyn.

Psalmyn 80:1

Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubim.

Psalmyn 81:1

Lhig dooin arrane gennal y ghoaill gys Jee nyn niart: jean-jee kiaull gherjoil y yannoo gys Jee Yacob.

Psalmyn 82:1

Ta Jee shassoo ayns chaglym-cooidjagh ny princeyn: t’eshyn briw mastey Jeeghyn.

Psalmyn 83:1

Ny jean dty hengey y chummal, O Yee, ny bee kinjagh dty host: ny freill dty chooney voïn, O Yee.

Isaiah 1:2

Clasht-jee, O shiuish niaughyn, as eaisht, O halloo: son ta’n Chiarn er loayrt, Ta mee er voandyrys as er hroggal cloan, agh t’ad er n’irree-magh m’oï.

Isaiah 37:20

Nish er-y-fa shen, O Hiarn nyn Yee, saue shin veih’n laue echey, dy vod ooilley reeriaghtyn ny hooirey toiggal dy nee uss y Chiarn, eer uss dty-lomarcan.

Isaiah 54:5

Son ta dty Er-croo dty ghooinney-poost; (ta’n ennym echey Chiarn ny flaunyssee;) as dty Haualtagh, Fer-casherick Israel; Jee yn slane seihll bee eshyn enmyssit.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Jeremiah 10:6

Son wheesh as nagh vel fer erbee casley rhyt’s, O Hiarn; t’ou uss pooaral, as ta dty ennym ard ayns niart.

Amos 3:8

Ta’n lion er vuirroogh, quoi nagh gow aggle? ta’n Chiarn Jee er loayrt, quoi nagh jean phadeyrys?

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Noo Mian 25:32

As kiongoyrt rish vees dy chooilley ashoon er nyn jaglym; as scarree eh ad veih-my-cheilley, myr ta bochilley scarrey eddyr e chirree as ny goair:

Joshua 22:22

Ec y Chiarn Jee dy yeeghyn, ec y Chiarn Jee dy yeeghyn, ta fys; as nee Israel hene toiggal; my te er-chee dy irree magh, ny ayns mee-viallys da’n Chiarn, (shen myr choonys eh lhien,)