Psalmyn 5:4 - Yn Vible Casherick 1775 1819

⁴ Son she uss y Jee nagh vel veg y taitnys ayd ayns mee-chraueeaght: chamoo nee olk erbee baghey mayrt.

Lioar ny Psalmyn 1765 (Pointed)

⁴ Son she uss y Jee nagh vel veg y taitnys ayd ayns mee-chraueeaght: cha-moo nee olk erbee vaghey mârt.

Psalmyn 5:4 ပူးပေါင်းရင်းမြစ်များ

1 Recortyssyn 29:17

Ta fys aym myrgeddin, my Yee, dy vel oo prowal yn cree, as dy vel taitnys ayd ’syn ynrickys. Er my hon’s ayns ynrickys my chree ta mee dy aggindagh er hebbal ooilley’n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood’s dy arryltagh.

Psalmyn 101:7

Quoi-erbee myrgeddin t’echey shilley mooaralagh as cree ard: cha surr-ym eh.

Psalmyn 11:5

Ta ny sooillyn echey goaill tastey jeh’n voght: as ferroogh e hooillyn prowal cloan gheiney.

Psalmyn 140:13

Ver y dooinney ynrick myrgeddin booise da dt’Ennym: as nee’n er-cairagh tannaghtyn ayns dty hilley.

Psalmyn 50:21

Ny reddyn shoh t’ou er n’yannoo, as chum mish my hengey; as heill oo dy olkyssagh dy row mish eer dty lheid hene: agh ver-yms oghsan dhyt, as soie-ym kiongoyrt rhyt ny reddyn t’ou er n’yannoo.

Psalmyn 63:2

Ta m’annym paagh er dty hon, ta m’eill myrgeddin goaill foddeeaght dty yeï: ayns thalloo gennish as chirrym raad nagh vel veg yn ushtey.

Psalmyn 88:14

Hiarn, cre’n-fa t’ou treigeil m’annym: as follaghey dt’eddin voym?

Psalmyn 94:20

Bee veg ayd’s dy yannoo rish y stoyl-briwnys dy vee-chairys: ta cummey yn aggair myr y leigh?

Habakkuk 1:13

T’ou uss jeh sooillyn s’glenney na dy chur-my-ner yn olk, as cha vod oo jeeaghyn er mee-chairys: cre’n-fa t’ou lhiggey lhieusyn ta dellal dy molteyragh, as t’ou dty host, tra ta’n mee-chrauee stroie yn dooinney ta ny s’ynrick na eh-hene?

Malachi 2:17

Ta shiu er n’yannoo skee jeh’n Chiarn, lesh ny goan eu: foast ta shiu gra, Cre ayn ta shin er n’yannoo skee jeh? Tra ta shiu gra, Dy vel dy chooilley unnane ta cur-rish olk, mie ayns shilley yn Chiarn, as dy vel taitnys echey ayndoo; er aght elley, Cre vel yn Jee dy vriwnys?

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Hebrewnee 12:14

Eiyr-jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

2 Peddyr 3:13

Agh ta shinyn, cordail rish e ghialdyn, jeeaghyn son niaughyn noa as seihll noa, ayndoo ta ynrickys cummal.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.

Ashlish 21:27

As cha jed stiagh ayn er aght erbee red erbee neu-ghlen, chamoo nhee erbee ta gobbraghey eajeeys, ny jannoo foalsaght: agh adsyn ta scruit ayns lioar vea yn Eayn.