Psalmyn 5:12 - Yn Vible Casherick 1775 1819

¹² As lhig dauesyn ooilley ta coyrt nyn dreishteil aynyd’s, boggey ’ghoaill: bee adsyn dy kinjagh coyrt booise, son dy vel oo fendeil ad; adsyn ta graihagh er dt’Ennym, vees lane dy voggey aynyd’s.

Lioar ny Psalmyn 1765 (Pointed)

¹² As lhig dauesyn ooilley ta coyrt nyn dreishteil ayn-yds, boggey ’ghoaill: bee adsyn dy-kinjagh coyrt booise, son dy vel oo fendeil ad; adsyn ta graihagh er dt’Ennym, vees laane dy voggey ayn-yds.

Psalmyn 5:12 ပူးပေါင်းရင်းမြစ်များ

Psalmyn 112:1

Bannit ta’n dooinney ta goaill aggle roish y Chiarn: ta taitnys mooar echey ayns e annaghyn.

Psalmyn 115:13

Nee eh adsyn y vannaghey ta goaill aggle roish y Chiarn: chammah beg as mooar.

Psalmyn 118:15

Ta coraa boggey as slaynt ayns cummallyn y vooinjer chairagh: ta laue yesh y Chiarn coyrt lesh reddyn yindyssagh gys kione.

Psalmyn 119:132

O jeeagh orrym, as bee myghinagh dou: myr boallagh oo jannoo roosyn ta graihagh er dt’ennym.

Psalmyn 3:3

Agh uss, O Hiarn, m’endeilagh: uss my ooashley, as y fer ta cummal seose my chione.

Psalmyn 3:8

Ta Saualtys bentyn gys y Chiarn: as ta dty vannaght er dty phobble.

Psalmyn 32:10

Ny bee-jee shiuish goll-rish cabbyl ny mule, ta fegooish tushtey: yn beeal oc shegin y ve smaghtit lesh beealraghyn as streean, er-aggle dy roie ad ort.

Psalmyn 32:7

Son shoh nee dagh dooinney ta crauee, jannoo e phadjer hood, ayns traa oddys oo v’er dty gheddyn: agh ayns ny thooillaghyn mooarey dy ushtey cha jig ad ny choair.

Psalmyn 68:4

O gow-jee arrane gys Jee, as arraneyn-moyllee gys e ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e ennym Jah, as gow-jee boggey kiongoyrt rish.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.