Psalmyn 5:11 - Yn Vible Casherick 1775 1819

¹¹ Stroie uss adsyn, O Yee; lhig daue cherraghtyn liorish nyn goyrleyn hene: tilg ad magh ayns ymmodee nyn mee-chraueeaght; son t’ad er n’irree-magh dt’oï.

Lioar ny Psalmyn 1765 (Pointed)

¹¹ Stroie uss adsyn O Yee; lhig daue cherraghtyn liorish nyn goyrlyn hene: tilg ad magh ayns ymmodee nyn mee-chraueeaght; son t’ad er n’irree-magh dt’oï.

Psalmyn 5:11 ပူးပေါင်းရင်းမြစ်များ

Lioar Yob 38:7

Tra ren rollageyn y voghrey nyn arraneyn-moyllee y ghoaill cooidjagh, as tra ren ooilley cloan Yee troggal seose nyn goraa son boggey?

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 35:27

Lhig dauesyn ve gennal as goaill boggey ta er cheu my ghellal yeeragh: dy jarroo lhig daue dy kinjagh gra, Bannit dy row yn Chiarn, ta goaill taitnys ayns maynrys e harvaant.

Psalmyn 40:16

O Hiarn, lhig da ve dty aigney dy my livrey: jean siyr, O Hiarn, dy chooney lhiam.

Psalmyn 58:10

Myr shen dy jir dooinney, Dy firrinagh ta leagh cour y sleih cairagh: gyn dooyt ta Jee ayn ta briwnys y theihll.

Psalmyn 65:13

Nee ad shilley neose er cummallyn yn aasagh, as gowee ny croink veggey boggey er dagh cheu.

Psalmyn 68:3

Agh lhig da’n vooinjer chairagh ve gerjoil, as boggey ’ghoaill kiongoyrt rish Jee: lhig daue myrgeddin ve gennal as lane dy voggey.

Psalmyn 69:36

Son nee Jee Sion y hauail, as troggee eh ard-valjyn Yudah: dy vod deiney baghey ayns shen, as eh y ghoaill ayns nyn gummal.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

1 Corinthianee 2:9

Agh myr te scruit, Cha vel sooill er vakin, ny cleaysh er chlashtyn, chamoo te ayns cree dooinney dy hoiggal ny reddyn ta Jee er chiarail er ny son ocsyn ta graihagh ersyn.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Jamys 2:5

Toig-jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

Ashlish 18:20

Bee-jee boggyssagh er-e-skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.

Briwnyn 5:31

Shen myr lhig da ooilley dty noidyn cherraghtyn, O Hiarn: agh lhig dauesyn ta graihagh ersyn ve myr y ghrian tra te goll magh ayns e niart. As va’n cheer ec shee son da-eed bleïn.