Psalmyn 5:10 - Yn Vible Casherick 1775 1819

¹⁰ Ta’n scoarnagh oc oaie foshlit: t’ad brynneraght lesh nyn jengey.

Lioar ny Psalmyn 1765 (Pointed)

¹⁰ Ta’n scoarnagh oc oaie foshlit: t’ad brynnyraght lesh nyn jengey.

Psalmyn 5:10 ပူးပေါင်းရင်းမြစ်များ

2 Samuel 15:31

As ve inshit da David, gra, Ta Ahitophel mastey dty noidyn marish Absalom. As dooyrt David, O Hiarn, ta mee guee ort, chyndaa coyrle Ahitophel gys ommijys.

2 Samuel 17:14

As dooyrt Absalom as ooilley deiney Israel, Ta coyrle Hushai yn Archite ny share na coyrle Ahitophel. Son veih’n Chiarn ve, dy chastey coyrle chreeney Ahitophel, dy chooilleeney er Absalom yn olk va’n Chiarn er chiarail n’oï.

2 Samuel 17:23

As tra honnick Ahitophel nagh ghow ad y choyrle echeysyn, yeelt eh e assyl, as hrog eh er, as hie eh thie gys e ard-valley hene, as ren eh e hymney, as hrogh eh eh-hene, as hooar eh baase, as v’eh oanluckit ayns oaie e ayrey.

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

Esther 7:10

Myr shen hrogh ad Haman er y chriy, v’eh er chiarail son Mordecai. Eisht va jymmoose y ree er ny veeinaghey.

Psalmyn 10:15

Shickyr t’ou er vakin eh: son t’ou goaill tastey jeh mee-chraueeaght as aggair.

Psalmyn 107:11

Er-yn-oyr dy row ad mee-viallagh gys goan y Chiarn: as ren ad beg y hoiaghey jeh coyrle yn Er-syrjey;

Psalmyn 17:13

Seose, Hiarn, cur e haaseyn mow, as ceau sheese eh: livrey m’annym veih’n vee-chrauee, ta myr cliwe ayns dty laue;

Psalmyn 31:18

Jeeagh da dty harvaant soilshey dty eddin: as saue mee er graih dty vyghinyn.

Psalmyn 35:26

Bee ad er nyn goyrt bun-ry-skyn as gys nearey cooidjagh ta goaill boggey jeh my heaghyn: bee ad er nyn goodaghey lesh oghsan as mee-ooashley ta boggyssagh m’oï.

Psalmyn 55:15

Ghow shin coyrle villish cooidjagh, as ren shin shooyl gys thie Yee myr caarjyn.

Psalmyn 66:7

O cur-jee moylley da’n Jee ain, shiuish phobble: as cur-jee er coraa e voylley dy ve er ny chlashtyn;

Psalmyn 71:13

Loayree my veeal dagh laa jeh dty chairys as jeh dty livrey-ys: son cha nhione dou yn earroo oc.

Psalmyn 79:12

O lhig da osnaghyn trimshagh ny pryssoonee cheet kiongoyrt rhyt: cordail rish mooadys dty phooar, jean uss adsyn y choadey t’er nyn oardaghey gys baase;

Isaiah 1:2

Clasht-jee, O shiuish niaughyn, as eaisht, O halloo: son ta’n Chiarn er loayrt, Ta mee er voandyrys as er hroggal cloan, agh t’ad er n’irree-magh m’oï.

Isaiah 1:20

Agh my ta shiu gobbal as girree-magh, bee shiuish er nyn stroie lesh y chliwe: son ta beeal y Chiarn er loayrt eh.

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Dobberan 1:5

Ta laue yn eaghtyr ec ny tranlaasee eck, ta e noidyn er ghoaill niart: son ta’n Chiarn er heaghney ee, son e ymmodee loghtyn; ta’n chloan eck er n’gholl ayns cappeeys roish y noid.

Daniel 9:5

Ta shin er n’yannoo peccah, as er chur-rish drogh-yannoo, as er n’yannoo dy peccoil, as er n’irree-magh, eer liorish treigeil dty annaghyn, as dty vriwnyssyn.

Daniel 9:9

Gys y Chiarn y Jee ain ta bentyn myghinyn as leih peccaghyn, ga dy vel shin er n’irree-magh n’oï:

Hosea 9:7

Ta laghyn yn cherraghey er jeet, ta laghyn y chooilleeney er verraghtyn orroo, yiow Israel fys er: ta’n phadeyr ny ommydan, ta’n dooinney spyrrydoil ass e cheeayll, son mooadys dty vee-chraueeaght, as y jymmoose hrome.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

Deuteronomy 2:30

Agh dob Sihon ree Heshbon raad dooin dy gholl er nyn doshiaght, son ren y Chiarn dty Yee e chree creoi, as roonagh nyn ’oï, er-chee dy livrey eh gys dty laue, myr te ry-akin jiu.

1 Samuel 25:29

Ny-yeih, ta dooinney er droggal seose dy yannoo tranlaase ort, as dy helg dty annym: agh bee annym my hiarn kianlt ayns y bundeil dy vea marish y Chiarn dty Yee; agh er son anmeenyn dty noidyn, ad shen nee eh tilgey magh, myr clagh ass mean sling.

1 Samuel 25:39

As tra cheayll David dy row Nabal marroo, dooyrt eh, Bannit dy row’n Chiarn ta er n’ghoaill seose cooish my scammylt veih laue Nabal, as er lhiettal e harvaant veih olk: son ta’n Chiarn er hyndaa olkys Nabal er e chione hene. As hug David fys, lesh cheb gys Abigail, dy ghoaill ee son ben.