Psalmyn 49:5 - Yn Vible Casherick 1775 1819

⁵ Cre hon yinnin aggle y ghoaill ayns ny laghyn dy olkys: tra ta olkys my voynyn cruinnaghey mee mygeayrt.

Lioar ny Psalmyn 1765 (Pointed)

⁵ Cre hon yinnin aggle y ghoaill ayns ny laghyn dy olkys: tra ta olkys my vonnyn cruinnaghey mee mygeayrt.

Psalmyn 49:5 ပူးပေါင်းရင်းမြစ်များ

Genesis 49:17

Bee Dan myr ard-nieu er y raad, adder ’sy chassan; ta lhottey boynyn ny gabbyl, myr shen dy jean y markiagh echey tuittym gour e ghrommey.

Psalmyn 22:16

Son ta ymmodee moddee er jeet mygeayrt-y-moom: as ta coonceil ny olkyssee cur nyn goyrle dy cheilley m’oï.

Psalmyn 23:4

Dy jarroo, ga dy vel mee shooyl ayns coan scadoo yn vaaish, cha goym aggle roish olk erbee: son t’ou uss mârym; ta dty latt as dty lorg dy my gherjaghey.

Psalmyn 38:4

Son ta my pheccaghyn er n’gholl harrish my chione: as t’ad myr errey seaghnagh, ro hrome er my hon dy ymmyrkey.

Psalmyn 78:2

Nee’m my veeal y osley ayns coraa-dorraghey: ver-ym y bun diu jeh raaghyn doillee yn chenndeeaght;

Raaghyn Creeney 24:10

My lhiggys oo dty chree voïd ayns laa dy heaghyn, s’beg ta dty niart.

Raaghyn Creeney 5:22

Nee e vee-chairys hene yn vee-chrauee y ghreimmey, as bee eh sniemmit.

Hosea 7:2

As cha vel ad goaill gys nyn gree, dy vel mish cooinaghtyn er ooilley nyn olkys: nish ta nyn yannoo hene coyrt dy chion roo er dagh cheu, t’ad kiongoyrt rish my eddin.

Amos 5:13

Shen-y-fa bee yn dooinney creeney ny host ayns lheid y traa, son s’olk yn traa te.

Earrooyn 23:7

As hie eh lesh e choraa-dorraghey, as dooyrt eh, Ta Balak ree Voab er chur fys orrym veih Aram, ass sleityn y niar, gra, Tar, gwee mollaght er my hon er Jacob, as tar, cur y-lane fo Israel.

Jannoo 27:24

Gra, Ny bee aggle ort, Phaul; shegin dhyt shassoo fenish Cesar: as cur-my-ner ta Jee er ghiootal ort ooilley adsyn ta shiaulley mayrt.

Ephesianee 5:16

Jannoo ymmyd mie jeh’n traa, er-yn-oyr dy vel laghyn seaghnagh ayn.

Philippianee 1:28

As gyn ve agglit ayns nhee erbee liorish nyn noidyn: yn chooid cheddin ta dauesyn cowrey cronnal dy hoyrt-mow, agh diuish dy haualtys, as shen veih Jee.

1 Samuel 26:20

Nish er-y-fa shen, ny lhig da my uill tuittym gys y thalloo fenish y Chiarn: son ta ree Israel er jeet magh dy hirrey jargan, myr fer ta shelg kiark-rhennee er ny sleityn.