Psalmyn 48:9 - Yn Vible Casherick 1775 1819

⁹ O Yee, myr ta dt’ennym, myr shen ta dty voylley gys king y theihll: ta dty laue yesh lane dy chairys.

Lioar ny Psalmyn 1765 (Pointed)

⁹ O Yee, myr ta dt’Ennym, myr shen ta dty voylley gys king y theihll: ta dty laue yesh laane dy chairys.

Psalmyn 48:9 ပူးပေါင်းရင်းမြစ်များ

1 Reeaghyn 10:6

As dooyrt ee rish y ree, Spheer va’n goo cheayll mee ayns my heer hene jeh dty obbraghyn as dty chreenaght.

1 Reeaghyn 10:7

Ny-yeih cha chred mee ny goan, derrey haink mee-hene, as dy vel my hooillyn er vakin eh; as cur-my-ner, cha row’n derrey lieh inshit dou: ta dty chreenaght as dty vaynrys foddey erskyn y goo cheayll mee.

Psalmyn 104:34

As shen myr nee my ghoan eshyn y wooiys: bee my voggey ayns y Chiarn.

Psalmyn 26:3

Son ta dty chenjallys-ghraihagh kinjagh roish my hooillyn: as nee’m gimmeeaght ayns dty irrinys.

Psalmyn 40:10

Ayns corp y lioar te er ny scrieu jeem’s, dy lhisin’s dt’aigney ’chooilleeney, O my Yee: ta mee booiagh y yannoo eh; dy jarroo ta’n leigh ayd’s er cheu-sthie dy my chree.

Psalmyn 87:5

As mychione Sion bee eh er ny ghra, dy row eh er ny ruggey aynjee: as nee yn Er smoo syrjey ee y niartaghey.

Arrane Solomon 1:4

Jean m’y chleayney, as roie mayd geiyrt ort: ta’n ree er choyrt lesh mee stiagh gys e hiamyryn, bee mayd gennal, as gowee mayd boggey aynyd’s, bee mayd ny s’aggindee er dty ghraih na er feeyn: shynney lesh sleih mie oo.

Isaiah 26:8

Dy jarroo, ayns raad dty vriwnyssyn, O Hiarn, ta shin er farkiaght er dty hon; ta yeearree nyn annym gys dty ennym, as gys cooinaghtyn jeed’s.

Jeremiah 31:40

As bee slane coan ny kirp marroo, as thorran ny leoie, as ooilley ny magheryn, choud’s strooan Chidron, gys corneil giat ny gabbyl lesh y shiar, casherick gys y Chiarn: cha bee eh er ny rassey veih’n undin, ny lhieggit, arragh son dy bragh.