Psalmyn 48:1 - Yn Vible Casherick 1775 1819

¹ Mooar ta’n Chiarn, as dy ard dy v’er ny voylley: ayns ard-valley yn Jee ain, dy jarroo er e chronk chasherick.

Lioar ny Psalmyn 1765 (Pointed)

¹ Mooar ta’n Chiarn, as dy-ard dy v’er ny voylley: ayns ard-valley yn Jee ain, dy-jarroo er e chronk chasherick.

Psalmyn 48:1 ပူးပေါင်းရင်းမြစ်များ

Nehemiah 9:5

Eisht dooyrt ny Leviteyn, Jeshua, as Kadmiel, Bani, Hashabniah, Sherebiah, Hodijah, Shebaniah, as Pethahiah, Shass-jee seose as bannee-jee yn Chiarn nyn Yee son dy bragh as dy bragh; as bannit dy row dty ennym gloyroil, ta foddey erskyn dy chooilley vannaght as moylley.

Psalmyn 145:3

S’mooar ta’n Chiarn, as yindyssagh, feeu dy v’er ny voylley: ta’n mooadys echey erskyn roshtyn nyn dushtey.

Psalmyn 147:5

S’mooar ta’n Chiarn ainyn, as s’mooar ta e phooar: dy jarroo, ta e chreenaght erskyn earroo.

Psalmyn 2:6

Agh ta mish er hoiaghey seose my Ree: er Sion my chronk casherick.

Psalmyn 30:1

Ver-yms ard-voylley dhyt’s, O Hiarn, son t’ou er my hoiaghey seose: as cha vel oo er lhiggey da my noidyn dy ve mooaralagh harrym.

Psalmyn 42:1

Myr ta’n feeaïh shirrey lurg ny strooanyn ushtey: myr shen ta m’annym goaill foddeeaght dty yeï’s, O Yee.

Psalmyn 46:1

She Jee nyn dreishteil as niart: cooney feer faggys ayns seaghyn.

Psalmyn 46:4

Nee ushtaghyn y thooilley echey ard-valley Yee y yannoo gennal: ynnyd casherick cabbane-agglish yn Jee smoo ard.

Psalmyn 47:8

Ta Jee reill harrish ny ashoonyn: ta Jee ny hoie er e stoyl-reeoil chasherick.

Psalmyn 65:1

T’ou uss, O Yee, er ny voylley ayns Sion: as dhyt’s vees y breearrey er ny chooilleeney ayns Jerusalem.

Psalmyn 78:68

Dob eh cabbane-agglish Yoseph: as cha ren eh reih sheeloghe Ephraim;

Psalmyn 86:10

Son t’ou uss ard, as jannoo reddyn yindyssagh: uss yn ynrycan Jee.

Psalmyn 87:1

Ta ny undinyn eck er ny croink chasherick: shynney lesh y Chiarn giattyn Sion ny share na ooilley cummallyn Yacob.

Psalmyn 87:3

Smooinee-ym er Rahab as Babylon: mâroosyn ta enney oc orrym.

Psalmyn 96:4

Son ta’n Chiarn mooar, as cha vod eh dy feeu ’ve er ny voylley: ta ny smoo dy aggle dy ve goit roishyn na dy chooilley Yee.

Psalmyn 99:9

O cur-jee ard-voylley da’n Chiarn yn Jee ain, as jean-jee eshyn y ooashlaghey er e chronk casherick: son ta’n Chiarn yn Jee ain casherick.

Isaiah 27:13

As hig eh gy-kione ’sy laa shen, dy bee yn trumpet mooar er ny heidey, as hig adsyn va aarloo dy herraghtyn ayns cheer Assyria, as ny eebyrtee ayns cheer Egypt, as ver ad ooashley da’n Chiarn er y chronk chasherick ec Jerusalem.

Jeremiah 31:23

Myr shoh ta Chiarn ny flaunyssee, Jee Israel, dy ghra, Nee ad foast gimraa ny goan shoh ayns cheer Yudah, as ayns ny ard-valjyn oc, tra nee’m yn chappeeys oc y hyndaa, Dy bannee yn Chiarn oo, O ynnyd-vaghee dy chairys, as y cronk dy chasherickys.

Obadiah 1:17

Agh ayns cronk Zion vees livrey-ys, as ayns shen vees casherickys, as nee thie Yacob cosney reesht ny cummallyn oc hene.

Micah 4:1

Agh ayns ny laghyn jerrinagh hig eh gy-kione, dy bee slieau thie yn Chiarn er ny hoiaghey seose erskyn yrjid ny sleityn elley, as bee eh er ny hroggal erskyn ny croink, as nee yn pobble lhieeney huggey.

Zechariah 8:3

Myr shoh ta’n Chiarn dy ghra, Ta mee er hyndaa gys Zion, as nee’m cummal ayns mean Yerusalem, as bee Jerusalem enmyssit, Ard-valley yn ynrickys, as slieau Chiarn ny flaunyssee, Yn slieau casherick.

Noo Mian 24:15

Tra hee shiu er-y-fa shen eajeeys yn traartys, ta loayrit jeh liorish Daniel y phadeyr, ny hassoo ayns yn ynnyd casherick, (eshyn ta lhaih, lhig da tastey ’ghoaill).

Hebrewnee 12:22

Agh ta shiuish er jeet gys cronk Sion, as gys ard-valley yn Jee bio, yn Jerusalem flaunyssagh, as gys sheshaght erskyn earroo dy ainleyn.

Ashlish 19:5

As haink coraa magh veih’n stoyl-reeoil, gra, Cur-jee moylley da’n Jee ain, ooilley shiuish e harvaantyn, as shiuish ta goaill aggle roish, chammah beg as mooar.

Ashlish 21:2

As honnick mish Ean yn ard-valley casherick, yn Jerusalem noa, cheet neose veih Jee ass niau, soit magh myr ben-phoosee coamrit son e sheshey.