Psalmyn 47:9 - Yn Vible Casherick 1775 1819

⁹ Ta princeyn ny ashoonyn er lhiantyn gys pobble Yee Abraham: son Jee, ta dy ard er ny hoiaghey seose, ta fendeil y seihll, myr dy beagh eh lesh eïlley-caggee.

Lioar ny Psalmyn 1765 (Pointed)

⁹ Ta prinsyn ny ashoonyn er lhiantyn gys pobble Yee Abraham: son Jee, ta dy ard er ny hoiaghey seose, ta fendeil y seihll, myr dy beagh eh lesh eïlley-caggee.

Psalmyn 47:9 ပူးပေါင်းရင်းမြစ်များ

Genesis 49:10

Cha jean y lorg-reill failleil veih Judah, ny fer-toyrt y leigh veih e luight, derrey nee Shiloh cheet: as huggeysyn, vees ny ashoonee er nyn jaglym stiagh.

Psalmyn 46:10

Bee-jee feagh eisht, as toig-jee dy vel mish Jee: beem’s er my hoiaghey seose mastey ny ashoonyn, as bee’m er my hoiaghey seose er y thalloo.

Psalmyn 72:11

Nee dy chooilley ree tuittym sheese kiongoyrt rish: nee dy chooilley ashoon eh y hirveish.

Psalmyn 89:18

Son uss gloyr y niart oc: as ayns dty chenjallys-ghraihagh nee oo nyn ghing y hroggal seose.

Psalmyn 97:9

Son t’ou uss, Hiarn, ny syrjey na adsyn ooilley t’er y thalloo: t’ou er dty hoiaghey seose foddey erskyn dy chooilley Yee.

Exodus 3:15

As dooyrt Jee ny sodjey rish Moses, Er yn aght shoh nee oo loayrt rish cloan Israel, Ta’n Chiarn Jee nyn ayraghyn, Jee Abraham, Jee Isaac, as Jee Yacob, er m’y choyrt hiuish: shoh my ennym’s son dy bragh, as shoh my imraa gys dy chooilley heeloghe.

Exodus 3:6

Dooyrt eh myrgeddin, Mish Jee dty ayrey, Jee Abraham, as Jee Isaac, as Jee Yacob. As choodee Moses e eddin: son va aggle er dy yeeaghyn er Jee.

Raaghyn Creeney 30:5

Ta dy chooilley ockle dy Yee slane glen: te ny scaa dauesyn ta coyrt nyn dreishteil ayn.

Isaiah 11:10

As ayns y laa shen vees fraue jeh Jesse, nee shassoo son cullee da’n pobble: huggey nee ny ashoonee chionney stiagh: as bee yn fea echey gloyroil.

Isaiah 49:23

As bee ayd reeaghyn son dty ayraghyn boandyrys, as ny mraane-reïn son dty voiraghyn boandyr: nee ad croymmey sheese hood’s lesh nyn eddin gys y thalloo, as nee ad joan dty chassyn y liee; as bee fys ayd’s dy nee mish y Chiarn: son cha bee oyr nearey orroosyn ta farkiaght er my hon.

Isaiah 49:7

Myr shoh ta’n Chiarn, Saualtagh Israel, dy ghra, as e Er-casherick, rishyn ta sleih soiaghey beg jeh, rishyn ta dwoaie yn ashoon, rish sharvaant dy ir-reill; Ver reeaghyn my-ner as troggee ad orroo; princeyn myrgeddin, as ver ad ooashley, er graih yn Chiarn, yn Er ynrick, as Jee casherick Israel, as nee eh uss y reih.

Noo Mian 22:32

Mish Jee Abraham, as Jee Isaac, as Jee Yacob? cha vel Jee Jee ny merriu, agh Jee ny bioee.

Romanee 11:25

Son cha baillym, vraaraghyn, dy beagh shiu mee-hushtagh jeh’n folliaght shoh, (er-aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Galatianee 3:29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.