Psalmyn 47:2 - Yn Vible Casherick 1775 1819

² Son ta’n Chiarn ard, as aggle dy v’er ny ghoaill roish: she eshyn y ree mooar er feaï-ny-cruinney.

Lioar ny Psalmyn 1765 (Pointed)

² Son ta’n Chiarn ard, as aggle dy v’er ny ghoaill roïsh: she eshyn y Ree mooar er fey-ny-cruinney.

Psalmyn 47:2 ပူးပေါင်းရင်းမြစ်များ

Nehemiah 1:5

As dooyrt mee, Ta mee guee ort, O Hiarn Yee t’ayns niau, yn Jee mooar as atchimagh, ta cooilleeney conaant as myghin ny chour ocsyn ta graihagh er, as freayll e annaghyn.

Psalmyn 145:6

Myr shen dy jean sleih loayrt jeh niart dt’obbraghyn yindyssagh: as neem’s myrgeddin fockley magh dty phooar ooilley-niartal.

Psalmyn 47:7

Son she Jee ree’n theihll ooilley: gow-jee arraneyn-moyllee lesh tushtey.

Psalmyn 65:5

Nee oo jeeaghyn dooin reddyn yindyssagh ayns dty chairys, O Yee nyn Saualtys: uss ta sauchys ooilley king y theihll, as dauesyn ta cummal er y faarkey lhean.

Psalmyn 68:35

O Yee, yindyssagh t’ou uss ayns dt’ynnydyn casherick: dy jarroo yn Jee dy Israel; ver eshyn niart as pooar da e phobble; bannit dy row Jee.

Psalmyn 76:12

Nee eshyn ginjillaghey spyrryd princeyn: as t’eh yindyssagh mastey reeaghyn y thallooin.

Psalmyn 95:3

Son ta’n Chiarn ny Yee mooar: as ny Ree mooar erskyn dy chooilley Yee.

Psalmyn 99:3

Ver ad booise da dt’Ennym’s: ta mooar, yindyssagh, as casherick.

Malachi 1:14

Agh mollaght dy row er y chialgeyr, t’echey ayns e hioltane fyrrynagh, as ny-yeih ta breearrey as chebbal gys y Chiarn red doghanit: son ta mish yn Ard-ree, ta Chiarn ny flaunyssee dy ghra, as ta m’ennym atchimagh mastey ny ashoonee.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Deuteronomy 28:58

Mannagh bee oo imneagh dy chooilleeney ooilley goan y leigh shoh, ta scruit ’sy lioar shoh, dy vod aggle ’ve ort roish yn ennym gloyroil as agglagh shoh, YN CHIARN DTY YEE;

Deuteronomy 7:21

Cha bee aggle ort roue: son ta’n Chiarn dty Yee ny mast’ eu, ny Yee pooaral, as atchimagh.