Psalmyn 45:3 - Yn Vible Casherick 1775 1819

³ T’ou ny s’aalin na cloan gheiney: lane dy ghrayse ta dty veillyn, er-y-fa dy vel Jee er dty vannaghey son dy bragh.

Lioar ny Psalmyn 1765 (Pointed)

³ T’ow ny s’aailey na cloan gheiney: laane dy ghrayse ta dty veillyn, er-y-fa dy vel Jee er dty vannaghey son dy-bragh.

Psalmyn 45:3 ပူးပေါင်းရင်းမြစ်များ

Lioar Yob 1:16

S’coan v’eh er loayrt, tra haink myrgeddin fer elley, as dooyrt eh, Ta aile Yee er duittym veih niau, as er lostey seose ny kirree, as ny sharvaantyn, as er stroie ad; as ta mish my-lomarcan er scapail dy insh dhyt.

Psalmyn 104:1

Bannee yn Chiarn, O m’annym: O Hiarn my Yee, t’ou erskyn-towse gloyroil, t’ou er ny choamrey lesh Ard-ooashley as onnor.

Psalmyn 145:12

Dy vod dty phooar, dty ghloyr, as niart dty reeriaght: v’er ny hoilshaghey da deiney.

Psalmyn 145:5

Er my hon’s, loayr-ym jeh dty ooashley: dty ghloyr, dty voylley, as dt’obbraghyn yindyssagh;

Psalmyn 21:5

Ta’n onnor echey mooar liorish dty haualtys: gloyr as ooashley vooar ver oo ersyn.

Psalmyn 21:7

As cre’n-fa? son dy vel y Ree coyrt e hreishteil ayns y Chiarn: as ayns myghin yn Er smoo syrjey cha bee eh er ny scughey.

Psalmyn 96:6

Ta gloyr as ooashley ayns e enish: ta pooar as onnor ayns ynnyd e chasherickys.

Arrane Solomon 2:3

Myr yn billey-ooyl mastey biljyn ny keylley, myr shen ta my ghraih mastey ny deiney aegey. Hoie mee sheese fo’n scadoo echey lesh mooarane taitnys, as s’millish va e vess gys my vlass.

Arrane Solomon 5:13

Ta ny keeillyn echey myr dash dy spiceyn, myr blaaghyn miljey: ta ny meillyn echey myr lileeyn, shilley myrrh millish breeoil.

Isaiah 49:2

T’eh er n’yannoo my veeal myr cliwe gyere; fo scaa e laue t’eh er my choodaghey, as er my yannoo e reih side; ayns e whiver t’eh er my ollaghey;

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Romanee 14:9

Son er-y-fa shoh hooar Creest chammah baase, as dirree eh, as vio-ee eh reesht, dy voddagh eh ve Chiarn chammah ny bio as ny merriu.

Hebrewnee 1:3

Myr v’eh sollyssid e ghloyr, as eer co-chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid:

Hebrewnee 4:12

Son ta goo Yee bioal, as breeoil, as ny s’gyerey na cliwe erbee dy ghaa foyr, roie trooid gys eer rheynn veih-my-cheilley yn annym as y spyrryd, as ny juntyn as y smuir, as ronsaghey magh smooinaghtyn as kiarailyn y chree.

Hebrewnee 8:1

Nish mychione ny reddyn ta shin er loayrt, shoh’n bun: Ta lheid yn ard-saggyrt ain, ta soit er laue yesh stoyl-reeoil yn ard-ooashley ayns ny niaughyn;

Jude 1:25

Gys yn ynrycan Jee creeney nyn Saualtagh, dy row gloyr as ard-ooashley, reill as pooar, nish as dy bragh. Amen.

Ashlish 1:16

As va echey ayns e laue yesh shiaght rollageyn: as magh ass e veeal haink cliwe gyere lesh daa foyr: as va e eddin myr y ghrian tra t’eh soilshean ayns e niart.

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press-feeyney jeh dewilys as jymmoose Yee ooilley-niartal.

Ashlish 19:21

As va’n chooid elley jeu er ny varroo lesh y chliwe haink magh ass y veeal echeysyn va markiagh er y chabbyl; as va ooilley ny eeanlee er nyn lhieeney lesh yn eill oc.

Briwnyn 3:16

Agh hug Ehud lesh skynn-attey (dy ghaa foyr), cubit er lhiurid; as chiangle eh eh fo e eaddagh er e heu yesh.