Psalmyn 45:2 - Yn Vible Casherick 1775 1819

² Ta my hengey myr fedjag-screeuee: yn scrudeyr tappee.

Psalmyn Ghavid 1761 (Metrical)

^2-5 T’ou foddey s’aailey na sheelnaue, Lesh grayse dty veeal ta loayrt; Son dy vel Jee, dty Yee, gagh-laa, Giootal e vannaght ort.

Lioar ny Psalmyn 1765 (Pointed)

² Ta my hengey myr fedjag-screeuee: yn scrudeyr tappee.

Psalmyn 45:2 ပူးပေါင်းရင်းမြစ်များ

Psalmyn 21:6

Son ver uss dasyn maynrys dy bragh farraghtyn: as nee oo eh gennal lesh boggey dt’eddin.

Raaghyn Creeney 22:11

Eshyn by-haittin lesh glennid cree, son ynrickys e veillyn bee yn ree ny charrey da.

Raaghyn Creeney 5:2

Dy vod oo cur geill da coyrle vie, as dy vod dty veillyn freayll tushtey.

Arrane Solomon 2:3

Myr yn billey-ooyl mastey biljyn ny keylley, myr shen ta my ghraih mastey ny deiney aegey. Hoie mee sheese fo’n scadoo echey lesh mooarane taitnys, as s’millish va e vess gys my vlass.

Isaiah 33:17

Nee dty hooillyn fakin yn ree ayns aalid e ooashley; ver ad my-ner yn cheer ta feer foddey jeh.

Isaiah 50:4

Ta’n Chiarn Jee er choyrt dou chengey ny fir-ynsee, ry-hoi fys ’ve aym dy loayrt fockle [gerjoilagh] ayns traa cooie dasyn ta seaghnit: moghrey lurg moghrey t’eh dy my ghoostey; t’eh doostey my chleaysh dy chlashtyn myr ny fir-ynsee.

Isaiah 61:1

Ta Spyrryd y Chiarn Jee orrym; er-yn-oyr dy vel y Chiarn er m’ooilaghey dy phreacheil naightyn mie da ny imlee: t’eh er my choyrt dy lheihys ny creeaghyn brisht, dy ockley magh reamys da ny cappee, as fosley’n phryssoon da ny geuleydee;

Zechariah 9:17

Son cre wheesh as ta e vieys, as cre wheesh as ta e aalid! nee arroo ny deiney aegey y yannoo gennal, as feeyn noa ny mraane aegey.

Noo Mian 17:2

As va’n cummey echey er ny chaghlaa kiongoyrt roo, as ren yn eddin echey soilshean myr y ghrian, as va’n coamrey echey gial myr y soilshey.

Noo Luke 4:22

As dymmyrk ad ooilley feanish lesh, as ghow ad yindys jeh ny goan graysoil haink ass y veeal echey. As dooyrt ad, Nagh nee shoh mac Yoseph?

Noo Ean 1:14

As ghow yn Goo er dooghys ny foalley, as ren eh baghey nyn mast’ ain (as hug shin my-ner yn ghloyr echey, yn ghloyr myr jeh’n ynrycan Mac er-ny-gheddyn jeh’n Ayr) lane dy ghrayse as dy irrinys.

Noo Ean 7:46

Dreggyr ny sidooryn, Cha ren rieau dooinney loayrt myr y dooinney shoh.

Hebrewnee 7:26

Son va lheid yn ard-saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;