Psalmyn 45:14 - Yn Vible Casherick 1775 1819

¹⁴ Ta inneen y ree ooilley gloyroil er cheu-sthie: ta’n coamrey eck dy airh obbrit.

Lioar ny Psalmyn 1765 (Pointed)

¹⁴ Ta inneen y Ree ooilley gloyroil er cheu-sthie: ta’n coamrey eck dy airh obbrit.

Psalmyn 45:14 ပူးပေါင်းရင်းမြစ်များ

Exodus 27:16

As son giat ny cooyrtey bee curtan jeh feed cubit, dy ghorrym, as purple, as scarleod, as aanrit keyl cast, jeant lesh obbyr-snaidey: as bee ny pillaryn kiare, as nyn mortissyn kiare.

Exodus 28:39

As nee oo broaidrail yn cooat dy aanrit keyl, as nee oo yn mitre d’aanrit keyl, as nee oo’n cryss d’obbyr-snaidey.

Arrane Solomon 2:7

Ta mee cur currym erriu, O shiuish inneenyn Yerusalem, liorish y taitnys t’eu ayns ny feeaïhee sleitagh as magheragh, nagh boir-jee my ghraih, as nagh doost-jee eh derrey saillish hene.

Arrane Solomon 6:1

Cre’n raad ta dty ghraih er ghoaill, O uss s’aalin ta mastey mraane? cre’n raad ta dty ghraih er hyndaa? dy vod mayd mayrt’s shirrey er e hon.

Arrane Solomon 6:13

Chyndaa, chyndaa, O Shulamite chyndaa, chyndaa, dy vod mayd blâkey ort: cre hee-ys shiu ’sy Shulamite? myr cooidjaghey daa heshaght-chaggee.

Arrane Solomon 6:8

Ta three-feed princess, as kiare-feed co-lhiabbagh, marish ymmodee moidynyn:

Arrane Solomon 8:13

Uss ta cummal ayns ny garaghyn, ta dty heshaghyn geaishtagh rish dty choraa; lhig dooys myrgeddin clashtyn eh.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

2 Corinthianee 11:2

Son ta mee eadolagh harrishdiu lesh eadolys chrauee, son ta mee er nastey shiu rish un heshey, dy voddym shiu y hebbal myr moidyn ghlen da Creest.

Briwnyn 5:30

Nagh vel ad er speedeil? nagh vel ad er rheynn y spooilley; da dagh dooinney moidyn ny jees? da Sisera spooilley dy choamraghyn aalin dy chaghlaaghyn daah, spooilley dy choamraghyn aalin dy chaghlaaghyn daah dy obbyr-snaidey, dy choamraghyn aalin dy chaghlaaghyn daah dy obbyr-snaidey er dagh cheu, dy hoiaghey magh ny mwannallyn ocsyn ta goaill y spooilley?