Psalmyn 42:9 - Yn Vible Casherick 1775 1819

⁹ Ta diunid freggyrt gys diunid, liorish feiyr ny thooillaghyn ushtey: ta ooilley ny tonnyn as sterrymyn ayd’s er gholl harrym.

Lioar ny Psalmyn 1765 (Pointed)

⁹ Ta un tonn freggyrt gys tonn elley, liorish feiyr ny thooillaghyn ushtey: ta ooilley ny tonnyn as sterrymyn ayds er gholl harrym.

Psalmyn 42:9 ပူးပေါင်းရင်းမြစ်များ

Psalmyn 13:1

Caïd nee oo my yarrood, O Hiarn, nee son dy bragh? caïd nee oo follaghey dt’eddin voym?

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 28:1

Hood’s nee’m geamagh, O Hiarn my niart: ny jean beg y hoiaghey jee’m, er-aggle mannagh jean oo m’y chlashtyn, dy bee’m casley roosyn ta goll sheese gys yn oaie.

Psalmyn 38:6

Ta mee er jeet gys lheid y seaghyn mooar as treihys: dy vel mee goll dobberan fey-ny-laa.

Psalmyn 43:2

Son uss Jee my niart, cre’n-fa t’ou er my scughey voïd: as cre hon ta mee goll cha trimshagh choud as ta’n noid jannoo tranlaase orrym?

Psalmyn 55:3

Ta lheid yn yllagh er my noid, as ta ny mee-chrauee cheet orrym cha chion: son t’ad kiarit dy yannoo olk ennagh dou, cha goanlyssagh shen t’ad soit m’oï.

Psalmyn 62:2

Eshyn dy feer my niart as my haualtys: eshyn my endeil, myr shen nagh bee my lhieggey mooar.

Psalmyn 77:9

Vel Jee er yarrood dy ve graysoil: as jean eh dooney e chenjallys-ghraihagh ayns jymmoose?

Psalmyn 78:35

As chooinee ad dy nee Jee va’n niart oc: as dy row yn Jee ard nyn Ver-kionnee.

Psalmyn 88:9

Ta my hoilshey gaase moal lesh eer seaghyn: Hiarn, ta mee er n’eamagh ort’s gagh laa, ta mee er heeyney magh my laueyn hood’s.

Psalmyn 92:3

Er greïe-chiaull dy yeih strengyn, as er y lute: er greïe ard, as er y chlaasagh.

Ecclesiastes 4:1

Myr shen hyndaa mee, as smooinee mee er ooilley’n tranlaase t’er ny yannoo fo’n ghrian: as cur-my-ner ny jeïr ocsyn va tranlaasit, as cha row oc fendeilagh; as er cheu ny tranlaasee oc va pooar, agh ocsyn cha row fendeilagh.

Isaiah 40:27

Cre’n-fa t’ou uss gra, O Yacob, as dy vel oo loayrt, O Israel, Ta’n raad aym’s follit veih’n Chiarn, as my vriwnys er n’gholl shaghey veih my Yee?

Isaiah 49:15

Vod ben jarrood yn lhiannoo ta jiole urree, nagh beagh ee chymmoil er oikan e breïn? dy jarroo, foddee ad jarrood; agh foast cha jean-yms uss y yarrood.