Psalmyn 42:6 - Yn Vible Casherick 1775 1819

⁶ Cre’n-fa t’ou cha lane dy hrimshey, O m’annym: as cre’n-fa t’ou cha seaghnit cheu-sthie jee’m?

Lioar ny Psalmyn 1765 (Pointed)

⁶ Cre’n-fa t’ow cha laane dy hrimshey, O m’annym: as cre’n-fa t’ow cha seaghnit cheu-sthie jee’m?

Psalmyn 42:6 ပူးပေါင်းရင်းမြစ်များ

2 Samuel 17:22

Eisht hrog David er, as ooilley’n pobble va mârish, as chossyn ad harrish Jordan: cha row fer jeu nagh row er gheddyn harrish Jordan ec y cho-leayrtys.

2 Samuel 17:27

As haink eh gy-kione, tra va David er jeet gys Mahanaim, dy ren Shobi mac Nahash, veih Rabbah jeh cloan Ammon, as Machir mac Ammiel, veih Lodebar, as Barzillai yn Gileadite, veih Rogelim,

Psalmyn 133:3

Casley rish druight Hermon: huitt sheese er cronk Sion.

Psalmyn 22:1

My Yee, my Yee, jeeagh orrym; cre’n-fa t’ou er my hreigeil: as t’ou choud veih my lhaynt, as veih goan my accan?

Psalmyn 43:4

Dy voddym goll gys altar Yee, dy jarroo gys Jee my voggey as my yennallys: as er y chlaasagh ver-yms booise dhyt’s, O Yee, my Yee.

Psalmyn 43:5

Cre’n-fa t’ou cha trimshagh, O m’annym: as cre hon t’ou cha anveagh cheu-sthie jee’m?

Psalmyn 61:2

Veih king y theihll nee’m geamagh ort: tra ta my chree ayns trimshey.

Jonah 2:7

Tra ren my annym gannooinaghey cheu-sthie jee’m, chooinee mee er y Chiarn, as haink my phadjer stiagh hood, gys dty hiamble casherick.

Noo Mian 26:39

As hie eh red beg sodjey, as huitt eh sheese er e eddin, as ghow eh padjer, as dooyrt eh, O my Ayr, my oddys eh ’ve, lhig da’n cappan shoh goll shagh-ym: ny-yeih cha nee m’aigney’s, agh dty aigney’s dy row jeant.

Noo Mian 27:46

As mygeayrt yn nuyoo oor, deïe Yeesey lesh ard-choraa, gra, eli, eli, lama sabacthani? ta shen dy ghra, My Yee, My Yee, cre’n-fa t’ou er my hreigeil?