Psalmyn 42:2 - Yn Vible Casherick 1775 1819

² Ta m’annym paagh son Jee, eer son y Jee bio: cuin hig-ym dy hassoo kionfenish Yee?

Lioar ny Psalmyn 1765 (Pointed)

² Ta m’annym pa-agh son Jee, eer son y Jee bio: cooinn higgym dy hassoo kionfenish Yee?

Psalmyn 42:2 ပူးပေါင်းရင်းမြစ်များ

Lioar Yob 23:3

Oh dy beagh fys aym c’raad yiow’n magh eh! dy heet gys eer stoyl e vriwnys!

Psalmyn 27:4

Un red ta mish er hirrey er y Chiarn, shen nee’m y yeearree: dy jarroo dy voddym baghey ayns thie yn Chiarn ooilley laghyn my vea, dy akin aalid eunyssagh y Chiarn, as dy haaghey e hiamble.

Psalmyn 43:4

Dy voddym goll gys altar Yee, dy jarroo gys Jee my voggey as my yennallys: as er y chlaasagh ver-yms booise dhyt’s, O Yee, my Yee.

Psalmyn 63:1

O Yee, uss my Yee: dy moghey nee’m dty hirrey.

Psalmyn 63:3

Myr shoh ta mee er yeeaghyn er dty hon ayns casherickys: dy voddin dty phooar as dty ghloyr y akin.

Psalmyn 84:10

Son ta un laa ayns dty chooyrtyn: ny share na thousane.

Psalmyn 84:2

Ta m’annym geearree as goaill foddeeaght dy gholl stiagh ayns cooyrtyn y Chiarn: ta my chree as m’eill goaill boggey ayns y Jee bio.

Psalmyn 84:4

Bannit t’adsyn ta baghey ayns dty hie: bee ad dy kinjagh cur moylley dhyt.

Psalmyn 84:7

Hed ad veih niart gys niart: as ta dagh unnane oc chebbal eh-hene fenish yn Jee dy Yeeghyn ayns Sion.

Exodus 23:17

Three keayrtyn ’sy vleïn hig ooilley dty gheiney kiongoyrt rish y Chiarn Jee.

Isaiah 26:8

Dy jarroo, ayns raad dty vriwnyssyn, O Hiarn, ta shin er farkiaght er dty hon; ta yeearree nyn annym gys dty ennym, as gys cooinaghtyn jeed’s.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Jeremiah 2:13

Son ta my phobble er n’yannoo daa olk; t’ad er hreigeil mish, farrane ny ushtaghyn bio, as er chleiy daue hene cisternyn, cisternyn brisht, nagh gum veg yn ushtey.

Daniel 6:26

Ta mish jannoo slattys ayns dy chooilley rheam jeh my reeriaght, dy bee deiney er-creau, as ayns aggle, roish Jee Ghaniel: son eshyn y Jee bio, as firrinagh son dy bragh, as e reeriaght, shen nagh bee er ny stroie, as e reiltys dy bragh farraghtyn.

Noo Ean 5:26

Son ’naght myr ta ec yn Ayr bioys ayn hene; myr shen t’eh er choyrt da’n Mac bioys y ve echey ayn hene;

Noo Ean 7:37

Er y laa s’jerree, laa mooar ny feailley, hass Yeesey, as deïe eh, gra, My ta dooinney erbee paagh, lhig da cheet hym’s as giu.

1 Thessalonianee 1:9

Son t’ad-hene soilshaghey mychione ain, kys ghow shiu rooin tra haink shin hoshiaght ny mast’ eu, as kys hyndaa shiu gys Jee veih jallooyn, dy hirveish y Jee bio as firrinagh,

Joshua 3:10

As dooyrt Joshua, Liorish shoh bee fys eu dy vel y Jee bio ny-vud eu, as dy jean eh son shickyrys geiyrt magh kiongoyrt riu ny Canaaniteyn, as ny Hittiteyn, as ny Hiviteyn, as ny Perizziteyn, as ny Girgashiteyn, as ny Amoriteyn, as ny Jebusiteyn.

Ashlish 22:1

As yeeagh eh dou awin glen dy ushtey yn vea, sollys myr crystal, geill magh ass stoyl-reeoil Yee, as yn Eayn.