Psalmyn 40:6 - Yn Vible Casherick 1775 1819

⁶ O Hiarn my Yee, s’mooar ta ny obbraghyn yindyssagh t’ou uss er n’yannoo, myr ta neesht dty smooinaghtyn hooinyn: as foast cha vel y dooinney shen oddys yn earroo oc y hoiaghey royd dy kiart.

Lioar ny Psalmyn 1765 (Pointed)

⁶ O Hiarn my Yee, smooar ta ny obbraghyn yindyssagh t’ow uss er n’yannoo, myr ta neesht dty smooinaghtyn hooinyn: as foast cha vel y dooinney shen oddys yn earroo oc y hoiaghey royd dy-kiart.

Psalmyn 40:6 ပူးပေါင်းရင်းမြစ်များ

Lioar Yob 33:16

Eisht t’eh fosley cleayshyn deiney, as cur raaue shickyr daue,

Lioar Yob 5:9

Ta jannoo reddyn mooarey, as erskyn nyn dushtey; reddyn yindyssagh erskyn earroo:

Psalmyn 139:17

O cre cha deyr ta dty choyrleyn dooys, O Yee: O cre wheesh ta’n sym oc!

Psalmyn 139:18

My hem dy choontey ad, t’ad ny smoo ayns earroo na’n gheinnagh: tra ta mee doostey ass my chadley, ta mee ayns dt’enish.

Psalmyn 50:8

Cha der-yms oghsan dhyt son dty ourallyn, ny son dty hebballyn-losht: son nagh row ad kinjagh kiongoyrt rhym.

Psalmyn 51:16

Son cha vel oo shirrey oural, nonney yinnin dhyt eh: cha vel taitnys ayd ayns chebballyn-losht.

Psalmyn 71:15

T’ou uss, O Yee, er m’ynsaghey veih m’aegid derrey nish: shen-y-fa soilshee-yms magh dty obbraghyn yindyssagh.

Exodus 21:6

Eisht ver e vainshtyr lesh eh fenish ny briwnyn; as ver eh lesh eh myrgeddin gys y dorrys, ny gys essyn y dorrys: as ver e vainshtyr mennee trooid e chleaysh; as nee eh shirveish eh choud as s’bio eh.

Isaiah 1:11

Gys cre’n ymmyd ta earroo nyn ourallyn dooys? ta’n Chiarn dy ghra: ta mee skee jeh chebballyn-losht reaghyn, as meeaylys maase beiyht, chamoo ta taitnys aym ayns fuill dew, ny eayin, ny goair fyrryn.

Isaiah 25:1

O Hiarn, she uss my Yee; ver-ym ard-ooashley dhyt, ver-ym moylley da dty ennym; son t’ou er n’yannoo reddyn yindyssagh; ta ny coyrleyn ayd’s er-dyn toshiaght cairys as firrinys.

Isaiah 66:3

Ta eshyn ta marroo dow myr dy marragh eh dooinney; eshyn ta ouralley eayn, myr eshyn ta chebbal kione moddey; eshyn ta chebbal oural, goll-rishyn hebbagh fuill muickey; eshyn ta lostey incense, myr eshyn ta ooashlaghey jalloo: dy jarroo, t’ad er reih ny raaidyn oc hene, as ta’n annym oc goaill taitnys ayns nyn obbraghyn dwoaiagh.

Hosea 6:6

Son yeearree mee myghin roish oural: as tushtey dy Yee, ny smoo na ourallyn-losht.

Amos 5:22

Ga dy vel shiu chebbal dooys ourallyn-losht, as nyn ourallyn-arran, cha jean-ym goaill roo: chamoo neem’s soiaghey jeh ourallyn-shee nyn maase roauyrey.

Noo Mian 12:7

Agh dy beagh fys er ve euish, cre ta er ny hoiggal liorish y raa shoh, Share lhiam myghin na oural, cha beagh shiu er gheyrey yn vooinjer neu-chyndagh.

Noo Mian 9:13

Agh immee-jee shiuish, as ynsee-jee cre ta dy ve toiggit liorish y raa shoh, S’bare lhiam myghin na oural: son cha daink mish dy eamagh er y vooinjer chairagh, agh er peccee gys arrys.

1 Samuel 15:22

As dooyrt Samuel, Vel wheesh dy haitnys ec y Chiarn ayns ourallyn-losht as chebballyn, as t’echey ayns biallys da coraa’n Chiarn? Cur-my-ner, ta biallys ny share na oural, as dy choyrt ammys, na riurid reaghyn.