Psalmyn 40:2 - Yn Vible Casherick 1775 1819

² Hug eh lesh mee neesht magh ass y lhag atchimagh, magh ass y laagh as y chray: as hoie eh my chassyn er y chreg, as ren eh my immeeaght y oardrail.

Lioar ny Psalmyn 1765 (Pointed)

² Hug eh lesh mee neesht magh ass y lhag atchimagh, magh ass y lhaagh as y chray: as hoie eh my chassyn er y chregg, as ren eh my immeeaght y oardrail.

Psalmyn 40:2 ပူးပေါင်းရင်းမြစ်များ

Psalmyn 116:3

Haink ribbaghyn y vaaish mygeayrt-y-moom: as ghow pianyn niurin greme orrym.

Psalmyn 119:133

Jean my chesmadyn y leeideil ayns dty ghoo: as myr shen cha vow mee-chraueeaght erbee barriaght orrym.

Psalmyn 143:3

Son ta’n noid er n’yannoo tranlaase er m’annym; t’eh er woalley sheese my vioys gys y thalloo: t’eh er m’eiyrt gys y dorraghys, goll roosyn ta er ve foddey marroo.

Psalmyn 17:5

Cum uss seose my immeeaght ayns dty raaidyn: nagh jean my chesmadyn skyrraghtyn.

Psalmyn 18:36

Nee oo raad lhean dy liooar foym dy immeeaght: nagh skyrr my chesmadyn.

Psalmyn 18:7

Va’n thalloo er ny ghleashagh, as ren eh craa: va eer undinyn ny sleityn neesht er-creau, as v’ad er ny scughey, ec e yymmoose.

Psalmyn 27:5

Son ayns traa my heaghyn follee eh mee ayns e chabbane: dy jarroo ayns boayl keillit e ynnyd-vaghee nee eh m’y ollaghey, as m’y hoiaghey seose er creg chloaie.

Psalmyn 37:23

Ta’n Chiarn goardrail kesmadyn y dooinney mie: as jannoo e raad booisal da hene.

Psalmyn 61:2

Veih king y theihll nee’m geamagh ort: tra ta my chree ayns trimshey.

Psalmyn 69:2

Ta mee cummit shickyr ayns y laagh dowin, raad nagh vel grunt erbee: ta mee er jeet ayns ushtaghyn dowiney, myr shen dy vel ny thooillaghyn roie harrym.

Psalmyn 71:20

Shen-y-fa nee’m uss as dt’irriney y voylley, O Yee, cloie er greïe dy vingys: hood’s goym arrane er y chlaasagh, O uss er-casherick dy Israel.

Psalmyn 86:13

Son s’mooar ta dty vyghin hym’s: as t’ou er livrey m’annym veih diunid ny hoaie.

Isaiah 24:22

As bee ad er nyn jaglym cooidjagh myr ta pryssoonee chaglit ’sy dungeon, as bee ad jeight seose ’sy phryssoon; as lurg ymmodee laghyn nee’n Chiarn jeeaghyn orroo.

Zechariah 9:11

As er dty hon’s myrgeddin, liorish fuill dty chonaant, ta mee er choyrt reamys da dty phryssoonee ass yn ooig, ayn nagh vel veg yn ushtey.

Noo Mian 13:50

As tilgee ad ad ayns coirrey dy aile: ayns shen vees keayney as snaggeraght feeacklyn.

Jannoo 2:24

Eshyn ta Jee er hroggal seose reesht veih ny merriu, liorish feaysley geulaghyn e vaaish: son nagh row eh ayns pooar y vaaish dy chummal fo eh.