Psalmyn 40:17 - Yn Vible Casherick 1775 1819

¹⁷ Lhig dauesyn ve er nyn goyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy scammyltagh, ta wooishal olk dou.

Lioar ny Psalmyn 1765 (Pointed)

¹⁷ Lhig dauesyn ve er nyn ghoyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy-scammyltagh, ta wooishal olk dou.

Psalmyn 40:17 ပူးပေါင်းရင်းမြစ်များ

Psalmyn 109:22

Ta mee goll ass shoh myr y scadoo ta scughey ersooyl: ta mee eiyrit noon as noal myr y locust.

Psalmyn 34:4

Hir mee yn Chiarn ayns padjer, as cheayll eh mee: as ren eh m’y livrey veih ooilley my aggle.

Psalmyn 34:6

Cur-my-ner, ta’n boght geamagh, as ta’n Chiarn clashtyn eh: dy jarroo, as t’eh sauail eh ass ooilley e heaghyn.

Psalmyn 35:27

Lhig dauesyn ve gennal as goaill boggey ta er cheu my ghellal yeeragh: dy jarroo lhig daue dy kinjagh gra, Bannit dy row yn Chiarn, ta goaill taitnys ayns maynrys e harvaant.

Psalmyn 40:5

Bannit ta’n dooinney ta er hoiaghey e hreishteil ayns y Chiarn: as nagh vel er hyndaa gys y vooinjer voyrnagh, as gys nyn lheid as ta goll mygeayrt lesh breagyn.

Psalmyn 54:4

Cur-my-ner, she Jee m’er-coonee: ta’n Chiarn mâroosyn ta cummal seose m’annym.

Psalmyn 69:33

Ver y vooinjer imlee tastey da shoh, as bee ad gennal: shir-jee lurg Jee, as bee’n annym eu bio.

Psalmyn 70:5

Er my hon’s, ta mee boght as ayns treihys: jean siyr hym, O Yee.

Psalmyn 86:1

Croym dty chleaysh, O Hiarn, as clasht rhym: son ta mee boght, as ayns treihys.

Isaiah 25:9

As bee eh graït er y laa shen, Cur-my-ner, she shoh yn Jee ain; ta shin er farkiaght er e hon, as nee eh sauail shin: shoh yn Chiarn; ta shin er farkiaght er e hon, bee mayd gennal, as nee mayd boggey y ghoaill ayns e haualtys.

Isaiah 41:17

Tra ta’n boght as yn ymmyrchagh gannooinaghey son ushtey, as nagh vel veg ry-gheddyn, as nyn jengey sponkit lesh paays, mish y Chiarn ver couyr daue, mish Jee Israel nagh jean treigeil ad.

Noo Mian 8:20

As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

2 Corinthianee 8:9

Son shione diu grayse nyn Jiarn Yeesey Creest, ga dy row eh berchagh, ny-yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Hebrewnee 13:6

Shen-y-fa fod mayd dy creeoil gra, Ta’n Chiarn my er-coonee, as cha bee aggle orrym jeh ny oddys dooinney y yannoo rhym.

Jamys 2:5

Toig-jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

1 Peddyr 2:23

Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh-hene y hymney huggeysyn ta briwnys dy cairagh:

1 Peddyr 5:7

Tilgey ooilley yn chiarail eu ersyn; son t’eh kiarail er ny son eu.

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.