Psalmyn 4:8 - Yn Vible Casherick 1775 1819

⁸ T’ou er choyrt gennallys ayns my chree: er-dyn traa dy ren yn arroo, as y feeyn, as yn ooil ocsyn bishaghey.

Psalmyn Ghavid 1761 (Metrical)

⁸ Eisht lhie-ym sheese as hem gys fea Lesh aigney lane dy hee; Son uss, O Hiarn, ta my endeil, Ta coyrt dou fea ny hoie.

Lioar ny Psalmyn 1765 (Pointed)

⁸ T’ow er choyrt gennallys ayns my chree: er dyn traa dy ren yn arroo, as y feeyn, as yn ooïll ocsyn bishaghey.

Psalmyn 4:8 ပူးပေါင်းရင်းမြစ်များ

Psalmyn 16:11

Son cre’n-fa? cha vaag uss m’annym ayns stayd ny merriu: chamoo lhiggys oo da dt’er-casherick hene dy akin loauys.

Psalmyn 3:5

Lhie mee sheese as chaddil mee, as dirree mee seose reesht: son ren y Chiarn my niartaghey.

Raaghyn Creeney 3:24

Tra t’ou lhie sheese, cha bee oo ayns aggle: dy feer, nee oo lhie sheese, as bee dty chadley kiune.

Isaiah 9:2

Ta’n pobble va shooyl ayns dorraghys er vakin soilshey mooar: orroosyn va cummal ayns cheer scadoo yn vaaish ta’n soilshey er n’irree.

Ezekiel 34:25

As nee’m conaant dy hee y yannoo roosyn, as ver-ym er ny drogh veishtyn dy herraghtyn ass y cheer: as nee adsyn baghey dy sauchey ayns yn aasagh, as cadley ayns ny keylljyn.

Hosea 2:18

As ’sy laa shen nee’m conaant ass nyn lieh rish maase y vagheragh, as rish eeanlee yn aer, as rish reddyn snauee y thallooin: as brish-ym yn bow, as y cliwe, as y caggey ass y cheer; agh ver-ym orroosyn dy lhie sheese dy sauchey.

Leviticus 26:5

As nee’n bwoalley eu roshtyn gys y fouyr-feeyney, as y fouyr-feeyney gys y traa-correy: as bee nyn saie arran eu, as nee shiu baghey dy sauchey ayns y cheer.

Deuteronomy 12:10

Agh tra hed shiu harrish Jordan, as cummal ’sy cheer ta’n Chiarn nyn Yee dy choyrt diu son eiraght, as tra ver eh fea diu veih ooilley nyn noidyn er dy chooilley heu: myr shen dy bee shiu cummal ayns sauchys:

1 Thessalonianee 5:10

Hur baase er nyn son, edyr shin ve dooisht ny nyn gadley, dy vod shin ve bio cooidjagh mârishyn.

Ashlish 14:13

As cheayll mee coraa veih niau, gra rhym, Scrieu, Veih shoh magh, bannit ta ny merriu ta geddyn baase ayns y Chiarn: Dy jarroo myr shen ta’n Spyrryd dy ghra, son t’ad ec fea veih nyn seaghyn; as ta nyn obbraghyn geiyrt daue.