Psalmyn 4:7 - Yn Vible Casherick 1775 1819

⁷ Hiarn, trog uss seose: soilshey dt’eddin orrin.

Psalmyn Ghavid 1761 (Metrical)

⁷ My chree myr shen feer ghennal vees, Roie harrish lane dy vree; Son cha nee feeyn ny arroo lesh, Ver kuïnid cair ’sy chree.

Lioar ny Psalmyn 1765 (Pointed)

⁷ Hiarn, trogg uss seose: soilshey dt’eddin orrin.

Psalmyn 4:7 ပူးပေါင်းရင်းမြစ်များ

Psalmyn 31:17

Ta my hraa ayns dty laue; livrey mee veih laue my noidyn: as vouesyn ta jannoo tranlaase orrym.

Psalmyn 37:4

Gow taitnys ayns y Chiarn: as ver eh dhyt yeearree dty chree.

Psalmyn 43:4

Dy voddym goll gys altar Yee, dy jarroo gys Jee my voggey as my yennallys: as er y chlaasagh ver-yms booise dhyt’s, O Yee, my Yee.

Psalmyn 67:2

Dy vod enney v’er ny choyrt er dty raad er y thalloo: dty haualtys anmey mastey dy chooilley ashoon.

Psalmyn 80:4

O Hiarn Yee dy heshaght-chaggee flaunys: caïd vees oo corree rish dty phobble ta goaill padjer?

Psalmyn 92:4

Son t’ou uss, Hiarn, er my yannoo gennal trooid dt’obbraghyn: as goym boggey ayns coyrt moylley son obbraghyn dty laueyn.

Arrane Solomon 1:4

Jean m’y chleayney, as roie mayd geiyrt ort: ta’n ree er choyrt lesh mee stiagh gys e hiamyryn, bee mayd gennal, as gowee mayd boggey aynyd’s, bee mayd ny s’aggindee er dty ghraih na er feeyn: shynney lesh sleih mie oo.

Isaiah 9:3

T’ou er vishaghey yn ashoon, as cha vel oo er vooadaghey nyn moggey: t’ad goaill boggey kiongoyrt rhyt, rere boggey yn ouyr, as myr ta deiney goaill boggey tra t’ad rheynn y chragh.

Jeremiah 48:33

As ta boggey as gennallys er hreigeil yn magher messoil, as thalloo Voab; ta mee er choyrt daue genney feeyn ayns ny doaghyn-feeyney; cha bee yn fouyr-feeyney lesh gennallys yllaghey; cha bee yn eam oc er ny chlashtyn.

Earrooyn 6:25

Dy der y Chiarn er e eddin dy hoilshean ort, as dy bee eh graysoil dhyt;

Jannoo 14:17

Ny-yeih cha daag eh eh-hene fegooish feanish, ayns dy ren eh mie, as dy dug eh dooin fliaghey veih niau, as imbaghyn messoil, lhieeney ny creeaghyn ain lesh beaghey as gennallys.

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny-yeih credjal, ta shiu goaill boggey lesh boggey erskyn insh, as lane dy ghloyr:

Briwnyn 9:27

As hie ad magh trooid ny magheryn, roostey ny garaghyn-feeyney, as ren ad feeyn, as v’ad gennal, as hie ad gys thie yn jee oc, as ren ad gee as giu, as ghwee ad mollaght er Abimelech.