Psalmyn 4:6 - Yn Vible Casherick 1775 1819

⁶ Shimmey t’ayn ta gra: Quoi yeeaghys dooin veg y vie?

Psalmyn Ghavid 1761 (Metrical)

⁶ Mooaralee er cooid heihltagh soit Ta kinjagh geearree pooar; Agh lhig da aalid dt’eddin, Yee, Orryms soilshean ayns gloyr.

Lioar ny Psalmyn 1765 (Pointed)

⁶ Shimmey t’ayn ta gra: Quoi yeeaghys dooin veg y vie?

Psalmyn 4:6 ပူးပေါင်းရင်းမြစ်များ

Psalmyn 119:135

Lhig da dt’eddin soilshean er dty harvaant: as ynsee dou dty lattyssyn.

Psalmyn 21:6

Son ver uss dasyn maynrys dy bragh farraghtyn: as nee oo eh gennal lesh boggey dt’eddin.

Psalmyn 39:6

Cur-my-ner, t’ou uss er n’yannoo my laghyn myr lhiurid reaish: as cha vel my eash agh myr red gyn veg dy ve soylit hood’s; as dy firrinagh ta dy chooilley ghooinney bio ooilley-cooidjagh fardail.

Psalmyn 42:5

Ayns y kiaulleeaght dy voylley as dy hoyrt-booise: mastey ny lheid as ta freaylley laa feailley.

Psalmyn 44:3

Son cha dooar ad y cheer ayns nyn gummal liorish y chliwe oc hene: chamoo she’n roih oc hene ren cooney lhieu.

Psalmyn 67:1

Dy row Jee myghinagh dooin, as dy bannee eh shin: as soilshey e eddin y yeeaghyn dooin, as dy row eh myghinagh dooin.

Psalmyn 80:19

Chyndaa shin reesht, O Hiarn Yee jeh’n cheshaght-chaggee flaunyssagh: jeeagh soilshey dt’eddin, as bee mayd er nyn sauail.

Psalmyn 80:7

Chyndaa shinyn reesht, uss Yee dy heshaght-chaggee flaunys: jeeagh soilshey dt’eddin, as bee mayd slane.

Psalmyn 89:15

Cairys as corrymid ta stoyl-reeoil dty ynnyd-vaghee: hed myghin as firrinys roish dt’eddin.

Isaiah 55:2

Cre’n-fa ta shiu baarail nyn argid er shen nagh nee arran eh, as nyn laboraght er shen nagh vel jannoo magh shiu? Eaisht-jee dy imneagh rhym’s, as ee-jee shen ny ta mie, as lhig da’n annym eu goaill soylley ayns riurid.

Malachi 3:3

As nee eh soie goll-rishyn ta glenney as scarrey argid veih’n dross: as nee eh mec Levi y chasherickey, as ad y ghlenney myr airh as argid, dy vod ad oural gys y Chiarn y hebbal ayns ynrickys.

Earrooyn 6:26

Dy drog y Chiarn seose e eddin ort, as dy der eh dhyt shee.

Noo Luke 12:19

As jir-ym rish my annym, O my annym, ta mooarane cooid ayd tashtit seose cour ymmodee bleeantyn: gow dty aash, ee, iu, as bee gennal.

Noo Luke 16:19

Va dooinney berchagh dy row va coamrit ayns gorrym-jiarg, as sheeidey, as farrail dy soaillagh dy chooilley laa.

Deuteronomy 33:19

Nee ad cuirrey yn pobble gys y clieau, ayns shen nee ad chebbal ny ourallyn dy chairys: son nee ad jiole jeh palchey ny marrey, as jeh tashtaghyn follit y traie.

Jamys 4:13

Tar-jee nish, shiuish ta gra, Jiu ny mairagh hem mayd gys lheid yn ard-valley, as fuirree mayd ayn bleïn, kionnaghey as creck, as jannoo vondeish: