Psalmyn 4:5 - Yn Vible Casherick 1775 1819

⁵ Cheb-jee yn oural dy chairys: as cur-jee nyn dreishteil ayns y Chiarn.

Psalmyn Ghavid 1761 (Metrical)

⁵ Yn oural cooie dy ynrickys Jean-jee y hebbal da; Ayns jeerid jeeagh-jee gys y Chiarn, As treisht-jee ayn dy bra.

Lioar ny Psalmyn 1765 (Pointed)

⁵ Cheb-jee yn oural dy chairys: as cur-jee nyn dreishteil ayns y Chiarn.

Psalmyn 4:5 ပူးပေါင်းရင်းမြစ်များ

2 Samuel 15:12

As hug Absalom fys son Ahitophel yn Gilonite, fer-coyrlee Ghavid, veih e ard-valley, eer veih Giloh, dy ve mârish ec yn oural. As va sheshaght y choyrle-follit niartal: son ren y pobble bishaghey gagh laa, as cheet stiagh gys Absalom.

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 26:1

Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

Psalmyn 37:3

Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Psalmyn 50:14

Cheb yn oural dy hoyrt-booise gys Jee: as eeck dty vreearraghyn dasyn smoo Ard;

Psalmyn 51:19

Eisht nee uss boggey ’ghoaill ayns yn oural dy chairys, ayns ourallyn-losht as chebballyn: eisht nee ad chebbal dew aegey er dt’altar.

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Psalmyn 77:7

Jean y Chiarn eh-hene y reayll voym son dy bragh: as nagh bee eh foayroil arragh?

Isaiah 50:10

Quoi ny-vud eu ta goaill aggle roish y Chiarn, ta biallagh da coraa e harvaant, ta shooyl ’sy dorraghys, as fegooish soilshey? lhig da treishteil ayns ennym y Chiarn, as barrant y choyrt er e Yee.

Isaiah 61:8

Son ta mish y Chiarn graihagh er cairys, ta griu vaarlee my ghwoaie son oural-losht; as ver-yms nyn obbyr er y hoshiaght ayns ynrickys, as neem’s conaant dy bragh farraghtyn y yannoo roo.

Malachi 1:8

As my ta shiu chebbal yn doal son oural, nagh vel shen olk? as my ta shiu chebbal red doghanit, nagh vel peccah lhie rish? cheb nish gys dty chiannoort eh, bee eshyn booiagh jeed, ny soiaghey jeh dty phersoon? ta Chiarn Jee ny flaunyssee dy ghra.

Noo Mian 5:23

Shen-y-fa tra hebbys oo dty oural ec yn altar, my chooinys oo ayns shen dy vel nhee erbee ec dty vraar dt’oï;

Deuteronomy 33:19

Nee ad cuirrey yn pobble gys y clieau, ayns shen nee ad chebbal ny ourallyn dy chairys: son nee ad jiole jeh palchey ny marrey, as jeh tashtaghyn follit y traie.

1 Peddyr 4:19

Shen-y-fa, lhig dauesyn ta surranse cordail rish aigney Yee, livrey seose kiarail nyn anmeenyn huggeysyn ayns jannoo dy mie, myr gys Fer-croo firrinagh.