Psalmyn 39:9 - Yn Vible Casherick 1775 1819

⁹ Livrey mee veih ooilley my loghtyn: as ny lhig dou ’ve son craid da’n vooinjer vee-chrauee.

Lioar ny Psalmyn 1765 (Pointed)

⁹ Livrey mee veih ooilley my loghtyn: as ny lhig dou ’ve son craid da’n vooinjer vee-chrauee.

Psalmyn 39:9 ပူးပေါင်းရင်းမြစ်များ

2 Samuel 16:10

As dooyrt y ree, Cre t’aym’s diuish nish dy yannoo er my hon, shiuish vec Zeruiah? Myr shen lhig da gweeaghyn, son dy vel y Chiarn er ghra rish, Gwee mollaght da David. Quoi ghoys er dy ghra, Cre hon t’ou er n’yannoo shoh?

Lioar Yob 1:21

As dooyrt eh, Rooisht haink mee ass breïn my vayrey, as rooisht chyndaa-ym reesht gys yn ooir: yn Chiarn ren coyrt, as ta’n Chiarn er ghoaill ersooyl; bannit dy row ennym y Chiarn.

Lioar Yob 2:10

Agh dooyrt eh r’ee, T’ou uss loayrt myr unnane jeh ny mraane mee-hushtagh. Cre shoh! jean mayd mie y ghoaill ec laue Yee, as nagh gow mayd rish seaghyn? Lesh ooilley shoh, cha daink drogh ockle ass beeal Yob.

Psalmyn 38:13

Er my hon’s va mee myr dooinney bouyr nagh row clashtyn: as myr fer ta balloo, nagh vel fosley e veeal.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

1 Samuel 3:18

As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.