Psalmyn 39:6 - Yn Vible Casherick 1775 1819

⁶ Cur-my-ner, t’ou uss er n’yannoo my laghyn myr lhiurid reaish: as cha vel my eash agh myr red gyn veg dy ve soylit hood’s; as dy firrinagh ta dy chooilley ghooinney bio ooilley-cooidjagh fardail.

Psalmyn Ghavid 1761 (Metrical)

⁶ Ta dooinney shooyl ayns caslys scaa, As lab'raght ayns fardail; Sheer chaglym cooid, gyn fys quoi da, Ny quoi nee’n soylley ’ghoaill.

Lioar ny Psalmyn 1765 (Pointed)

⁶ Cur-my-ner, t’ow uss er n’yannoo my laghyn myr liurid reaish: as cha vel my eash agh myr red gyn veg dy ve soyllit hoods; as dy-firrinagh ta dy-chooilley ghooinney bio ooilley-cooidjagh fardail.

Psalmyn 39:6 ပူးပေါင်းရင်းမြစ်များ

Lioar Yob 14:1

Dooinney t’er ny ruggey jeh ben, t’eh giare-heihltagh, as lane dy hreihys.

Lioar Yob 7:16

Ta mee skee jeh; cha baillym ve foddey bio: lhig lhiam; son ta my laghyn fardalys.

Lioar Yob 7:7

O cooinee nagh vel my vea agh geay: cha jean my hooill fakin maynrys arragh.

Psalmyn 127:2

Mannagh vel y Chiarn freayll yn ard-valley: ta’n arreyder dooisht ayns fardail.

Psalmyn 144:4

Cha vel dooinney agh myr red gyn veg: ta e hraa goll shaghey myr y scadoo.

Psalmyn 89:48

Hiarn, cre vel dty henn chenjallyssyn-graihagh: yiall oo lesh breearrey da David ayns dt’irriney?

Raaghyn Creeney 13:22

Ta dooinney mie faagail eiraght da cloan e chlienney: as ta cooid y drogh-yantagh stoyrit cour yn er-cairagh.

Raaghyn Creeney 23:5

Jean oo dty hooillyn y hoiaghey er shen nagh vel farraghtyn? son ta berchys dy shickyr jannoo skianyn daue hene; t’ad getlagh ersooyl myr urley neealloo yn aer.

Raaghyn Creeney 27:24

Son cha vel berchys son dy bragh: as vel yn attey reeoil goll veih sheeloghe gys sheeloghe?

Ecclesiastes 1:14

Ta mee er vakin ooilley ny obbraghyn ta jeant fo’n ghrian, as cur-my-ner, t’ad ooilley fardail as seaghney cree.

Ecclesiastes 11:10

Shen-y-fa scugh trimshey veih dty chree, as freill dty challin veih skielley: son cha vel lambaanid as aegid agh shallid.

Ecclesiastes 12:13

Lhig dooin clashtyn jerrey’n slane cooish: gow aggle roish Jee, as freill e annaghyn; son shoh slane currym dooinney.

Ecclesiastes 12:8

Fardail dy ardailyn ta’n preachoor dy ghra; ta dy chooilley nhee fardail.

Ecclesiastes 2:26

Son ta Jee cur creenaght as tushtey, as gerjagh da’n dooinney ta mie ayns e hilley: agh da’n drogh ghooinney t’eh coyrt imnea, dy haglym as dy chruinnaghey cooid, dy ve faagit dasyn ta mie ayns shilley Yee. Ta shoh myrgeddin fardail as seaghney cree.

Ecclesiastes 2:8

Haggil mee dou hene myrgeddin argid as airh, as ard-verchys reeaghyn as rheamyn: hooar mee dou hene deiney as mraane kiaullee, as eunyssyn cloan gheiney, lheid as greinyn-kiaullee, jeh dy chooilley horch.

Ecclesiastes 5:14

Agh ta’n verchys cheddin cherraghtyn liorish drogh harrooghys; as t’eh geddyn mac as cha vel nhee erbee ny laue.

Isaiah 55:2

Cre’n-fa ta shiu baarail nyn argid er shen nagh nee arran eh, as nyn laboraght er shen nagh vel jannoo magh shiu? Eaisht-jee dy imneagh rhym’s, as ee-jee shen ny ta mie, as lhig da’n annym eu goaill soylley ayns riurid.

Noo Luke 12:26

Mannagh vod shiuish wheesh shen hene y yannoo, cre’n-fa ta shiu imneagh son y chooid elley?

Noo Luke 12:29

As ny bee-jee seaghnit mysh cre ee-ys, ny cre iu-ys shiu, chamoo bee-jee jeh aigney imneagh.

1 Corinthianee 7:31

As adsyn ta jannoo ymmyd jeh’n seihll shoh, myr nagh beagh ad jannoo drogh ymmyd jeh: son ta cummey yn seihll shoh caghlaa.

Jamys 4:14

Ayns wheesh as nagh vel fys eu cre vees er laa-ny-vairagh. Son cre ta nyn mea? Te dy jarroo myr gall ta ry-akin son shallid, as eisht lheïe ersooyl.

Jamys 5:3

Ta’n airh as argid eu mergit; as bee’n mergey oc feanish nyn ’oï eu, as nee eh gee yn eill eu myr aile: ta shiu er stoyral seose tashtaghyn cooidjagh gour ny laghyn s’jerree.

1 Peddyr 1:24

Son ta dy chooilley eill myr faiyr, as ooilley aalid dooinney myr blaa faiyr. Ta’n faiyr fioghey, as ta e vlaa tuittym ersooyl:

1 Peddyr 5:7

Tilgey ooilley yn chiarail eu ersyn; son t’eh kiarail er ny son eu.