Psalmyn 39:5 - Yn Vible Casherick 1775 1819

⁵ Hiarn, cur toiggal dou jeh my yerrey, as earroo my laghyn: dy vod fys ve aym cre cha giare ta my vea.

Psalmyn Ghavid 1761 (Metrical)

⁵ Jeeagh; t’ou er chummey traa my vea Gys towshan giare myr reish; Ayns soylagh gys y veaynid ayds, Fardail dagh dooinney eisht.

Lioar ny Psalmyn 1765 (Pointed)

⁵ Hiarn, cur toiggal dou jeh my yerrey, as earroo my laghyn: dy vod shickyrys ’ve aym caid t’aym dy ve bio.

Psalmyn 39:5 ပူးပေါင်းရင်းမြစ်များ

Genesis 47:9

As dooyrt Jacob rish Pharaoh, Ta laghyn bleeantyn my hroailtys shey-feed bleïn as jeih: giare as seaghnagh ta er ve laghyn bleeantyn my vea, as cha vel mee er roshtyn gys eash my henn-ayryn ayns laghyn nyn droailtys.

2 Samuel 19:34

As dooyrt Barzillai rish y ree, Caïd t’aym’s dy ve bio, my lheid’s dy gholl seose marish y ree, gys Jerusalem?

Lioar Yob 7:6

Ta my laghyn ny s’bieau na spaal fidderagh, as t’ad baarit fegooish treishteil.

Psalmyn 144:4

Cha vel dooinney agh myr red gyn veg: ta e hraa goll shaghey myr y scadoo.

Psalmyn 39:11

Scugh dty cherraghey voym: ta mee dy jarroo ceaut fo errey hrome dty laue.

Psalmyn 62:9

Er son cloan gheiney, cha vel ad agh fardail: ta cloan gheiney molteyragh er ny meihaghyn, t’ad ooilley-cooidjagh ny s’eddrym na fardalys hene.

Psalmyn 89:47

Quoi’n dooinney ta bio, nagh vaik y baase: as jean eh yn annym echey y livrey veih laue yn oaie?

Psalmyn 90:12

Ynsee dooin myr shen dy earroo nyn laghyn: dy vod ny creeaghyn ainyn ve soit er creenaght.

Ecclesiastes 1:2

Fardail dy ardalys ta’n preachoor dy ghra, fardail dy ardalys, ta ooilley fardail.

Ecclesiastes 2:11

Eisht yeeagh mee er ooilley ny obbraghyn, va my laueyn er n’yannoo, as er dy chooilley nhee, va mee er ghoaill orrym dy chooilleeney: as cur-my-ner, va ooilley fardail as seaghney cree, as nagh vel shickyrys ayns nhee erbee fo’n ghrian.

Isaiah 40:17

Ta dy chooilley ashoon myr red gyn veg kiongoyrt rish, t’ad coontit liorish ny sloo na veg as fardail.

Jamys 4:14

Ayns wheesh as nagh vel fys eu cre vees er laa-ny-vairagh. Son cre ta nyn mea? Te dy jarroo myr gall ta ry-akin son shallid, as eisht lheïe ersooyl.

2 Peddyr 3:8

Agh, toig-jee shoh my chaarjyn, dy vel un laa marish y Chiarn myr thousane bleïn, as thousane bleïn myr un laa.